Zarur masalliqlar (6-8 kishilik): 5-6 dona qaynatilgan tuxum, 100-150 gr. quritilgan qo‘ziqorin, 1 bosh piyoz, 50 gr. sariyog‘, mayonez, tuz, murch, bezak uchun ko‘k piyoz.
Tayyorlanishi: 1. Quritilgan qo‘ziqorinlarni idishga solib, ustidan 1 stakan qaynagan suv soling va 15-20 daqiqaga qoldiring. So‘ng suvini silqib, mayda to‘rtburchak shaklida to‘g‘rang. 2. Piyozni maydalab to‘g‘rab, sariyog‘ solingan tovada 10 daqiqa qovuring. So‘ng to‘g‘ralgan qo‘ziqorinni solib, yana 10 daqiqa o‘rta olovda qovurishni davom ettiring. 3. Qaynatilgan tuxumni ikkiga ajratib, sarig‘ini alohida oling. Qovurilgan masalliqlarga tuxum sarig‘i, mayonez, tuz va murchni qo‘shib, sanchqi yordamida ezib, aralashtiring. Ikkiga ajratilgan tuxum bo‘laklarini 1 osh qoshiq aralashma bilan to‘ldirib, likopchaga tering va ustini ko‘k piyoz bilan bezating. Tayyorlanish vaqti: 20 daqiqa. |
Grechixa – temir moddasiga boyligi bilan boshoqli o‘simliklar orasida chempion hisoblanadi. Tarkibidagi kalsiy, kaliy, fosfor, yod, sink, ftor, vitamin V1, V2, foliy kislotasi, RR va vitamin Ye ayollar organizmi uchun g‘oyat foydalidir. Quyida grechixaning foydali xususiyatlari haqida tanishtiramiz.
Grechixadagi uglevodlar sekin so‘rilishi hisobiga to‘qlik hissini paydo qiladi. Parhez tutishni reja qilgan ayollar kechki ovqatga grechixadan taom iste’mol qilishlari mumkin. Qandli diabet bilan og‘rigan bemorlar uchun ham grechixa juda foydali ozuqa hisoblanadi. Ayniqsa, qatiqqa aralashtirilganini kunora iste’mol qilish qonda qand miqdorini pastlatishga yordam beradi. Nonushataga grechixani sutga aralashtirib, bo‘tqa tayyorlang. Bu yegulik yurak va jigarga foydali bo‘lib, organizmdan ortiqcha xolesterin chiqishini faollashtiradi. Kamqonlikni davolashda 100 gr grechixani blenderda maydalab, talqon qiling. So‘ng bir kunda 3 mahal yarim piyola sut bilan qabul qiling. Tarkibidagi temir moddasi qonda gemoglobin miqdorining ko‘tarilishiga yordam beradi. Bavosil yoki vena qon tomirlarining varikoz kengayishi kuzatilganida ham grechixadan taom va yegulik iste’mol qilish tavsiya etiladi. Buning uchun grechixani tuzsiz suvda qaynatib, so‘ng bir osh qoshiq sariyog‘ bilan dimlab pishirsangiz kifoya. Tarkibidagi rutin moddasi qon tomirlari devorini mustahkamlaydi. Ateroskleroz bilan xastalanganlar grechixa unidan kisel ichishlari mumkin. Kiselni tayyorlash uchun 1 osh qoshiq grechixa unini 100 ml suv bilan aralashtirib, olovga qo‘yasiz. Qaynab chiqqach 2-3 daqiqa olovda ushlab turib, so‘ng tindiring. Damlama bir kunda ikki mahal ovqatdan oldin qabul qilinadi. 1 osh qoshiq grechixa qizdirilgan quruq tovada qizartirib, so‘ng blenderda maydalanadi. Talqon xoliga kelgach, ozroq suv bilan aralashtirib, zuvala hosil qilinadi. Zuvalani frunkulyoz yaralariga qo‘yilsa, yallig‘lanishni oladi. Halq tabobatida grechixaning qipig‘i ham keng foydalaniladi. Grechixa qipig‘i solingan yostiqchalar bo‘yin osteoxondrozi bilan og‘rigan bemorlar hamda uyqusizlikdan aziyat chekkanlar uchun tavsiya etiladi. Bunda qipiqli yostiqcha ortopedik ta’sir ko‘rsatadi va og‘riqlarni yengillashtiradi. |
![]() Maxfiy agentlar, ayg‘oqchilar, razvedka xizmatlari haqidagi filmlar bugungi zamon kinematografining muhim qismini tashkil etadi. Aql bovar qilmas asbob-uskunalar va ayg‘oqchilik gadjetlari bir qarashda shunchaki kinochilarning fantaziyasiga o‘xshaydi, ammo bunday xulosa qilishga shoshilmagan ma’qul. Hatto qo‘lingizdagi telefon ham o‘ylaganingizdan ko‘ra ko‘proq narsaga qodir. The Fun mobil telefonlarda qo‘llasa bo‘ladigan sakkizta maxfiy kombinatsiya haqidahikoya qiladi. *#06# Bu kombinatsiya yordamida har qanday smartfonning unikal IMEI raqamini bilib olish mumkin. Kod *#21# Bu kombinatsiya qo‘ng‘iroqlarning yo‘llanishi (pereadresatsiya) yoqilgan-yoqilmaganini bilishga yordam beradi. Ya’ni kimdir sizning qo‘ng‘iroqlaringiz va SMS-xabarlaringizni olayotgan-olmayotganini tekshirishingiz mumkin. *#62# Bu buyruq iPhone o‘chirilgan yoki xizmat doirasidan tashqarida bo‘lganida qo‘ng‘iroqlar qaysi nomerga yo‘llanishini bilish imkonini beradi. ##002# Bu raqamlar yordamida esa pereadresatsiyani o‘chirish mumkin. *#30# Kiruvchi abonent raqamini aniqlash haqida axborot taqdim etadi. *#33# Chiquvchi qo‘ng‘iroq va SMS-xabarlarning bloklanishi haqidagi axborotni ko‘rsatadi. *#43# Kutilayotgan qo‘ng‘iroqlar haqida ma’lumotni chiqarib beradi. *777# Operatorga qarab, balans yoki operator axborot menyusini chiqarib beradi. |
![]() Yangi xarid qilingan smartfon va planshetlar tozaligi, jilo sochishi bilan ajralib turadi. Biroq bir necha hafta o‘tib-o‘tmay, ularning oldingi ko‘rinishi yo‘qolib, asta-sekin timdalangan holatga kela boshlaydi. Ustaxonaga bormay yoki ekranini almashtirmay bunga barham berish usullari haqida Lifehacker hikoya qiladi. Eng oddiy usul tish pastasini qo‘llashdan iborat. Uning ozgina miqdorini paxta, doka yoki toza yumshoq matoga tushirasiz. Aylanma harakatlar yordamida ekranning tirnalgan joyini artasiz, so‘ng pasta qoldig‘ini yo‘qotish uchun namlangan mato bilan artasiz. Turtle Wax, 3M Scratch va Swirl Remover kabi avtomobillar uchun mo‘ljallangan vositalar ham tirnalgan yuzadan qutulishga yordam beradi. Buning uchun mazkur kremlarni toza yumshoq matoga solib, ekranni asta artasiz. Qanchalik ajablanarli tuyulmasin, jilvirli qog‘oz ham bu borada sizga ko‘mak berishi mumkin, faqat bu biroz qaltisroq usul. Shu sabab telefon ekraniga ishlov berishdan oldin shunga o‘xshash yuzada mashq qilib olgan ma’qul. Iste’mol sodasidan foydalanish ham tirnalgan yuzani asl holiga qaytarishning oson usullaridan. Buning uchun idishda sodani ikki, suvni bir qism solib, ko‘pik paydo bo‘lguncha aralashtirasiz. Hosil bo‘lgan aralashmani matoga tushirib, ekranni tozalashga kirishasiz, so‘ng biroz namlangan mato bilan soda qoldig‘ini artib tashlaysiz. Shuningdek, bolalar badaniga sepiladigan dori (prisipka)ga suv qo‘shish orqali ham tirnalgan yuzani asl holatiga keltirish uchun yaroqli pasta hosil bo‘ladi. Uni qo‘llashda iste’mol sodasiga o‘xshash yo‘l tutsa bo‘ladi. Juda mayda yashirin yoriqlarni yo‘qotishda o‘simlik moyi ham qo‘l keladi: vaqt o‘tishi bilan eskirgan ekranga tushirilgan bir tomchi moy ma’lum muddat unga eski jilosini qaytarishi mumkin. |
![]() Karam — har bir ayol kundalik taomnomasiga qo‘shishi kerak bo‘lgan asosiy va foydali mahsulotlardan biri hisoblanadi. Quyida sizlarga karamdan tayyorlanadigan taomlar reseptini tavsiya etamiz. Karamli pxali “Pxali” gruzincha so‘z bo‘lib, bargli karam va sabzavotli gazak degan ma’noni bildiradi. Pxalini lavlagi, ko‘k loviya, ismaloq, turli sabzavot va ko‘katlardan ham tayyorlash mumkin. Agar unga yong‘oqdan tayyorlangan o‘tkir ziravorlar qo‘shilsa, o‘zgacha ta’m beradi. Pxali 40 daqiqada tayyor bo‘ladi. Kerakli masalliqlar:
Yirik qilib to‘g‘ralgan karam barglari qaynatib olinadi. Judayam pishirib yubormang. Qaynoq suvdan olgandan keyin suvini siriqtirib, soviting. Yong‘oq, kinza, sarimsoqpiyoz va bosh piyozni go‘shtqiymalagichdan o‘tkazing (blenderdan foydalanish ham mumkin). Hosil bo‘lgan aralashmaga tuz, ziravor, sirka qo‘shing. Karamni ham go‘shtqiymalagichdan o‘tkazing, agar suvi chiqadigan bo‘lsa, siriqtirib olib tashlang. Yong‘oqli aralashmaga karamli aralashmani qo‘shib, ustini anor donachalari bilan bezatib, bir necha soatga muzlatkichga solib qo‘ying. Pxali — juda mazali sovuq gazak hisoblanadi. Uni nonga surtib yeyish mumkin (gruzin lavashi bo‘lgani ma’qul) yoki alohida taom sifatida ham dasturxonga tortish mumkin.
“Koul Slou” salati Amerikaliklarning sevimli salati bo‘lmish Cole slaw oddiy va juda tez tayyorlanadi. Uni tayyorlashda karamdan tashqari yangi uzilgan sabzavotlar (sabzi, selderey) va olma ham ishlatiladi. Bu salat juda foydali bo‘lib, unga uy sharoitida tayyorlangan mayonezdan tashqari tabiiy yogurt yoki yog‘siz smetana qo‘shish mumkin. Salatni tayyorlash uchun 10 daqiqa vaqt ketadi. Kerakli masalliqlar:
Barcha sabzavotlarni oqar suvda yaxshilab yuving. Seldereyning ustki po‘stlog‘ini archib, barglarini olib qo‘ying. Keyin uning tanasini somoncha shaklida, barglarini esa maydalab to‘g‘rang. Sabzini ham somoncha shaklida to‘g‘rab oling yoki qirg‘ichdan o‘tkazing. Karamni ham mayda to‘g‘rang. Olmani po‘stlog‘i va o‘zagidan tozalab, qirg‘ichdan chiqaring yoki somoncha shaklida to‘g‘rashingiz mumkin. Barcha to‘g‘ralgan masalliqni idishga solib, yarimta limon sharbati, ta’bga ko‘ra tuz, shakar, mayonez solib, yaxshilab aralashtiring. “Koul Slou” salati tayyor! Yoqimli ishtaha!
Karamli kotletlar Agar karamni blenderda yaxshilab maydalab olsangiz, judayam mazali karamli kotletlar tayyorlashingiz mumkin. Sabzavotli massani shaklga keltirish uchun ozgina un yoki manniy yormasidan foydalanish mumkin. Uni tayyorlash uchun 25 daqiqa vaqt ketadi. Kerakli masalliqlar:
Karamni blenderda maydalab oling, agar blender bo‘lmasa, mayda qilib to‘g‘rash ham mumkin. Unga mayda to‘g‘ralgan petrushka soling. Alohida idishga tuxum chaqing, un, ta’bga ko‘ra tuz, qalampir qo‘shing. Bu aralashmani maydalangan karamga yaxshilab aralashtiring. Qizdirilgan tovaga bir osh qoshiqdan (yoki qo‘lingizni ho‘llab, dumaloq shaklga keltirishingiz ham mumkin) karamli massani solib, qovurib oling. Karamli kotletlarni smetana bilan birga, ustiga ko‘kat sepgan holda iste’mol qilish mumkin. Yoqimli ishtaha!
Qiyma qo‘shib dimlangan karam Tushlik yoki kechki ovqat uchun ajoyib va mazali taom. 30 daqida tayyorlanadi. Kerakli masalliqlar:
Tovani baland olovga qo‘yib 2 osh qoshiq o‘simlik yog‘i soling. Yog‘ qizigandan keyin xalqacha shaklida to‘g‘ralgan piyozni 3 daqiqa davomida qovuring. Keyin somoncha shaklida to‘g‘ralgan sabzini, qiymani, ta’bga ko‘ra tuz va ziravorlarni qo‘shib, qovurishda davom eting. 7 daqiqadan keyin to‘g‘ralgan karam, tomat soling. Agarda karamning sharbati kam bo‘lsa, yarim stakan suv qo‘shishingiz mumkin. Hammasini yaxshilab qovurib olgach, tovaning qopqog‘ini yopib, past olovda 15 daqiqa dimlang. Tayyor bo‘lgan taomning ustiga ko‘katlar sepib, dasturxonga tortishingiz mumkin. Qiyma solib dimlangan karam tayyor! Yoqimli ishtaha!
|
![]() Saytimizning ko'pgina foydalanuvchilari bizga ko'pincha bir savol bilan murojaat etishadi, Ularning aksariyati Telegramdagi rasmiy saxifani qanchay o'chirish haqida so'rashadi, Ho'sh o'zi buning iloji bo'rmi? Albatta ilojisi bor, buning uchun siz quydagi havolaga kirishingiz lozim, bosing! Shundan so'ng sizda saxifa ochiladi, u yerga o'z raqamingizni terasiz, -Bir ozdan so'ng telegram dasturingizga havsizlik ko'di yuboriladi, Siz shu ko'dni yozasiz va so'rovni tasdiqlaysiz, shundan so'ng saxifangiz Telegram tarmog'idan o'chirib yuboriladi! |
![]() Siz saytimizga telifon yoki kompiyuterninng Google Chrome yoki Mozila Flefox dasturilari yordamida kirgansiz va ko'chriib olish tugmasini bossangiz taronani eshitish uchun player ochilmoqdami? unda o'sha playerni PLAY tugmasiga sichqonchani olib boring va sichqoncha o'ng tugmasini bosing! so'ng Сахранить видео как yoki Сахранить мп3 tugmasini bosing va Сахранить tugmasini bosing. SHu bilan tarona telifon yoki kompiyuteringizga yuklanadi! Yoki bo'lmasam telifoningizga "ES File Explorer" dasturini o'rnating, bu dastur juda qulay bo'lib taronalarni yuklashda sizga qo'l keladi! Dasturni ko'chirish |
Iphone telifonini tutuvchi foydalanuvchilar bizning saytdan taronalarni Opera, Safari orqali ko'chirolmaydilar. Bunday foydalanuvchilar saytimizdan klip yoki mp3ni ko'chirishni bosganlarida faqat uni eshitadilar, yoki ko'radilar.
Ushbu foydalanuvchilarimiz uchun mahsus dastur mavjud. iDownloader yoki Music D/L Shu dasturlardan birini telifoningizga o'rnating va saytimizda shu dastur yordamida tashrif buyuring va saytimizdagi sizga kerakli bo'lgan barcha malumotlarni telifoningizga yuklab oling. |
![]() Salom. Ba'zida bilib yoki bilmay android uchun birorta programma o'rnatib olamiz. Lekin bitta muammo bor. O'rnatgan programmamiz yoqmay qolsa uni o'chirvorishimiz kerak. Lekin o'chirolmayapsizmi? Unda mening yozganlarimni diqqat bilan o'qing va qanday qilib androiddagi o'chmaydigan programmalarni o'chirib yuborishni o'rgataman. Eng avvalo Настройки » Диспетчер приложений ga kiramiz. U yerdan o'chirmoqchi bo'lgan programmamizni topamiz. Uning ichiga kiramiz. Berilgan funksiyalar mavjud lekin faqat o'chirib yuborish Удалить yo'q. So'ng Настройки » Безопасность » Администраторы устройства ga kiramiz. Shu yerda siz o'chira olmagan programmalar turgan bo'ladi. Ularni ichiga kirib Отключить ni bosamiz. Keyin Настройки » Диспетчер приложений ga kiramiz. Yana o'sha o'chira olmagan programmamizga kiramiz. O'chirish funksiyasi ya'ni Удалить paydo bo'ldimi? Demak endi bemalol programmani o'chirib yuborishingiz mumkin! |
Ko'pchilik foydalanuvchilarimiz Android telefonidan foydalanishi tabiiy. Hozirgi davrda tezkorligi va qulayligi, imkoniyati darajasidan android yetakchilik qilmoqda. PlayMarkat - Bu dastur Android telefonini yuragi desak ham bo'ladi. Ya'ni android uchun pullik va bepul internet magazini. Playmarketning eng qulay tomoni har qanday dasturning yangi versiyasi chiqsa eng avvalo shu dastur ichiga joylanadi. Playmarket Google kompaniyasining bir qismi hisoblanadi. PlayMarketni ishlatish uchun Google pochtasi (Gmail) pochta kerak bo'ladi. Android telefoningiz bor bo'lsa qanday qilib bo'lsa ham uni Playmarketga ulang. Shunda eski programmalaringizni yangisi chiqsa telefoningiz avtomatik ogohlantiradi va uni yangilash haqida buyruq beradi. Saytimizga ba'zi holatlarda PlayMarketga kirib yuklab olinadigan dastur qo'ymoqdamiz. Shunday holatga duch keldimki, saytimiz foydalanuvchilarining asosiy qismi bu programmalarni va o'yinlarni yuklay olmaganligini yozishdi. Endi hulosa qiladigan bo'lsak, saytimizga tashrif buyurgan ro'yhatdan o'tmagan qanchadan qancha foydalanuvchi ushbu programmalarni ko'chira olmadi ekan. Mening birinchi rejam va saytni ochishdan maqsadim, o'yin va programmalarni yozuvini o'zbekchaga tarjima qilolmasamda, uni sizlarga o'zbekcha tushuncha bilan yetkazib berish edi. Shu natijaga erishdim ham. Lekin endi bundan ham murakkab bo'lishni o'rganishimiz kerak. Zamonimiz texnikalar borgan sari murakkablashib borayapti. Biz esa bularni o'rganishimiz kerak. Sizning Playmarketga ulanish imkoningiz yo'qmi? Unda qanday qilib bo'lsa ham biror telefon ustasi yoki telefonni yaxshi tushunadigan tanishingizga ko'rsatib Playmarketni ishga tushuring! Agar qunt bilan harakat qilsangiz buni o'zingiz uddalaysiz.
Whatsapp - dasturiga keladigan bo'lsak, juda ko'pchilgimiz bu messenjerdan foydalanamiz. Lekin bu dasturning ishlashi chegaralangan. Eng uzog'i uch oydan so'ng, programma ishlashdan to'xtab qoladi va "Обновить" ya'ni "Yangilang" degan yozuv chiqadi. Chunki Whatsapp har oyda yangilanishi kerak. Playmarketga ham har oy yangi versiyasi joylanadi. Bu birgina android uchun emas Nokia s40 va s60 smartfonlari uchun ham. Ko'pchilik odamlar buni telefonidan ko'rishadi. Aslida esa rus tilini tushunmasligi va "Обновить" degan iborani tarjima qilolmasligidan bo'ladi. Playmarketingiz ishlasa whatsappning va boshqa programmalarning yangi versiyasi haqida habar qilib turadi. Telefoningizda ishlayotgan barcha programmalarni yangi versiyasidan ogohlantiradi. Eslatma: PlayMarket ishlashi uchun biroz tezkor internet kerak bo'ladi. To'lqin yaxshi joylarda 3G va H+ ishlaydigan joylarda ishlatishingizni so'rab qolamiz. Shunda Playmarketdagi fayllarni qiynalmasdan yuklab olasiz! Yoki yangilab olasiz! |
Salom aziz foydalanuvchi! Men sizlarga yordam beryotgan bo'lsam bundan juda hursandman. Endigi navbatdagi muammo bu Nokia smartfonlarida sms belgi, ya'ni yonib o'chib turuvchi smsni qanday yo'q qilish haqida.
Bunday holatni juda ko'p tanishlarimda kuzatdim. Albatta bu kimlarnidir havotirga ham solgan. Tanishlarim menga "Mana bu sms belgi paydo bo'lib qoldi, zarari yo'qmi? Yo'q qilishni iloji bo'lsa, to'g'rilab ber" shunday savollar bilan murojaat qilishdi. Sizda ham shunday sms belgi paydo bo'lgandir. Undan siz ham hayron bo'lib hattoki havotirga ham tushgandirsiz. Men sizlarga ushbu belgini yo'q qilishni o'rgataman. Bu juda ham oson va oddiy. Hullas yozganlarimni yaxshilab o'rganing. Telefoningizdan Сообщения menyusiga kirasiz. Функции bosasiz. Сообщения на SIM ga kirasiz. U yerda Sim kartadagi SMSlar turgan bo'ladi. SMS belgining paydo bo'lishi aynan shu yerdan. Chunki Sim kartangizni hotirasiga SMS to'lib ketgan. O'sha SMSlarni o'chirib yuborsangiz, tepa paneldagi yonib o'chuvchi SMS belgi yo'qoladi. Bu juda oddiy. Nokia Smartfonida muammolaringiz bo'lsa izoh qoldiring. Men qo'ldan kelgancha yordam beraman. |
Ko'pchilik Fleshka yoki Chipdagi ma'lumotlarini saqlash maqsadida uni himoyalash uchun unga parol o'rnatadi.
Lekin shunday holat ro'y beradiki, ba'zida o'sha parolni unutib qo'yishimiz tabiiy hol. Parolni qanday yo'q qilishimiz mumkin. Buni sizlarga o'zim o'rgataman. Fleshka (Chip)ning o'zida biror muammo bo'lmay, faqat parollangan bo'lsa ochish mumkin. Boshqa sabab, ya'ni Fleshka yaxshimasligidan bo'lsa, fleshkani tashlab yuborgan maqul. Parolni ochish uchun bizga oddiygina Nokia smartfoni kerak bo'ladi. (masalan: Nokia C5-00, E51, E52, 6120, 6110, 6220 va yana shunga o'xshash klaviaturali smartfon). Parollangan fleshkani smartfonga solamiz. OS 9.2 sistemalarda alohida карта памяти ilovasi mavjud. Shu yerdan kirsa ham bo'ladi. OS 9.3 sistemalarda esa Диспетчер файлов ilovasidan Карта памятиga tushasiz. Har ikki sistema holatida men aytgan joyga kirasiz. - Функции bosasiz - Функция карта памяти ga kirasiz - Форматировать ga bosasiz. Hullas fleshka Форматировать qilingandan so'ng, yana ishlay boshlaydi. Smartfonning afzalligi Форматировать vaqtida umuman parolni kiritishni so'ramaydi. Nokia S40 telefonlarida esa Форматировать vaqtida parolni kiritishni so'raydi. Hullas shunday qilib Fleshkangiz yana ishlayveradi. Eslatma: Fleshka (Chip) Форматировать qilinganidan so'ng ichida hech qanday ma'lumot qolmaydi. Kerakli zarur ma'lumotlaringizni qaytarish kerak bo'lsa, kompyuterda Recover My Files dasturi orqali qaytarishingiz mumkin. Lekin 100% emas! |
Android telefonlari ekran blokirovka bo'lib qolganda yoki unutilganda ochishni o'rganamiz!
Assalomu alaykum hurmatli saytimiz mehmonlari bugun sizlarga android telefonini ekran blokirovkasini qanday qilib ochishni urgatmoqchimiz.Kerak bo'ladigan qurulma 1.Android platformasidagi telefon Demak boshladik, Hozirgi kunda ko’pchiligimizda Android plotformali telefonlar bor. Demak, o’z – o’zidan muammoga duch kelib qolamiz. Ya’ni Biror do’stimiz yoki yaqin kishimiz Androidimizni bilmasdan biloklab qo’yadi va uni qanday qilganini bilmay qoladi. Bu vaziyatda boshimiz qotib qoladi va darxol telefon ustaxonaga chopib qolamiz. Hozir bu holga duch kelganimizda qanday sozlashni urgatib o’tmoqchimiz. Bu usul juda oson va asosiysi shu telefonning o’zida sozlanadi. Pastdagi rasmda telefon bloklangan va ochib bo’lmayapti. Biz shu blokirovkani ochishni o’rgatmoqchimiz. Eslatma : Bu usulni qo’llasangiz telefon xotirasidagi hamma fayllar o’chib ketadi. Demak boshladik, Avvalo shu Android yoki Planshet telefonimizni o’chirib olamiz. Keyin esa qurilmamizning "Yoqish” tugmasi , "Ovoz +” va ” Menyu” tugmalari bir vaqtda 5-6 soniya bosib turiladi. (Ayrim Android Fly telefonlarida "Menyu” tugmasi yuq. Bu vaziyatda biz. "Yoqish” = Ovoz + yoki Ovoz - tugmalarini bir vaqtda 5-6 soniya bosib turiladi.) Demak shu tugmalar bosib turilsa Pastdagi rasmdagi kabi menyu hosil bo’ladi. Shu menyu hosil bo’lsa demak 80% ishimiz o’xshayapti degani. Demak , Telefonimiz sistemasiga kirib oldik. Endi Ovoz + yoki Ovoz – tugma orqali pastga "Wipe data / factory reset” ni ustiga tushib, ok tugmani bosamiz. Bu vaziyatda ok tugmani ro’lini "Yoqish” tugmasi o’ynaydi. Xullas "Wipe data / factory reset” ni ustiga kelib Androidimizni "Yoqish tugmasini bosamiz. Yana bir bor aytaman bu amalni bajarayoganda telefon xotirasidagi fayllar o’chib ketadi. Keyingi oynadan esa "Yes – delete all user data” ni tanlab Androidimizning yoqish tugmasi orqali ok ni bosing. Shunda Biroz kuting... Keyin esa 3-4 daqiqa zagruzka davom etadi. Biroz kutamiz. Mana nihoyat hammasi amalga oshdi. Pastdagi qizil Strelka ko’rsatgan sariq yozuv bu hammasi muvaffaqiyatli tugadi degani. Endi hech narsaga tegmay "reboot system now” ga ok tugmasini bosamiz. Va telefonimiz yongunicha kutamiz. Yonganda Google dan ro’yxatdan o’taymi deydi Siz iloji bo’lsa "Нет” , "Не сейчас” ni tanlab «Пропустить» va «Далее» tugmasini bosib yoqib olasiz. Mana nihoyat Androidimizni yoqib oldik. Endi bemalol yana avvalgidek foydalansak bo’ladi. Faqat telefon xotirasidagi fayllar ochib ketmaganini inobatga olmaganda. |
![]() Hammamiz bilamizki android telefonida graficheski blokirovka mavjud. Bunday qulflash biz uchun albatta yaxshi, lekin yomon tomoni bu qulflash usuli bir necha bor noto'g'ri terilsa, telefon butunlay qulflanib qoladi.
1-Qonun: Eng asosiysi qulflanadigan stilni unutmaslik. Eng avvalo graficheski bloklashni o'zingiz qo'yishni bilmasangiz, biror tanishingiz qo'yib berayotganda uni eslab qolishingiz kerak. 2-Qonun: Graficheskiy bloklash kodini bir necha bor terib telefonni qulflab qo'yganingizdan so'ng, unga qo'yilgan Pin-kod ya'ni parolni so'raydi. Bu parol telefonga graficheskiy bloklashni o'rnatayotganingizda qo'yiladi. Buning sababi telefonni ikkinchi marotaba bloklanishdan olib chiqish uchun. Bu kod raqamli kod hisoblanadi. Raqamlarni soddaroq yoki o'zingizni esingizda qoladigan qilib terishingiz kerak. 3-Qoida: Bu qoida esa eng oxirgi imkoniyat hisoblanadi. Telefoningizni graficheskiy bloklab, undan so'ng Pin-kod parolni ham noto'g'ri terib, telefonni umuman ishlashidan to'xtatilgandan so'ng ish beradi. Bu imkoniyat Google (Gmail) akkauntingiz logini va paroli hisoblanadi. Masalan: Login: muxriddin1992@gmail.com Parol: 1234567890 Hullas shunga o'xshash. Tepada yozgan login parolim shunchaki izoh. Bu akkaunt aslida ishlamaydi. Sizning ham telefoningizga shunday akkaunt kiritilgan bo'lishi tabiiy. Oxirgi imkoniyatda akkauntingizni login va parolini so'raydi. Agar akkauntingiz logini va paroli esingizda qolgan bo'lsa uni kiriting va telefoningizni bloklanishdan chiqaring. Shu uchta qonunni birortasi ham ish bermasa, unda telefoningiz abadiy bloklanadi va ishlatib bo'lmaydigan oddiy matohga aylanadi. Buni biror telefon ustasiga olib borishingiz yoki telefonning o'zidan "Воостановить" berishingiz kerak. Muxriddin Shermuxammedov tayyorladi |
![]() Ushbu mavzuyimizda biz sizlarga android telefoningizda qanday qilib ekrandagi holatni rasmga olishni o'rgatamiz.
Hozir biz sizga o'rgatadigan usulimiz Android tizimidagi Samsung telefonlari uchun. Birinchi yoqib o'chiruvchi klavish "Power" ni bosamiz va tezda telefonimiz o'rtasidagi "Home" klavishini bosamiz. 2 sekund ichida telefoningiz menyuni qaysi qismida bo'lishidan qat'iy nazar "Rasmga oladi." Unutmang:"Power" klavishi bosilishiga "Home" klavishini tez bosing. So'ng ikki sekund rasmga olish tovushi chiqqunicha ushlab turing! Muxriddin /shermuxammedov tayyorladi
|
![]() Smartfonimiz, hozirgi kunda eng "kerakli" narsamiz. Agar unga suv tushib ketsa, undan ayrilishimiz aniq. Ammo, bir qancha choralarni ko'rish mumkin! Bugun saytimizdada smartfonimizni suvdan qanday tozalash bo'yicha maslahatlar beramiz, marhamat!
Batareyani olib qo'ying yoki smartfonni o'chiring Eng birinchi qilinishi kerak bo'lgan ish — smartfonni energiya bilan ta'minlovchi har qanday manbadan uzib tashlash. Suvning o'zi smartfonga zarar keltirmaydi, ammo suv kirishi natijasida sodir bo'ladigan qisqa tutashuv uning mikrosxemasiga zarar keltirishi va telefonni yaroqsiz holatga keltirishi mumkin. Agar smartfonning batareyasini olish imkoni bo'lsa, birinchi bo'lib uni sug'urib tashlang. Mabodo bunday imkoniyat bo'lmasa apparatni batamom o'chirib tashlang. Barcha qismlarini yechib oling Smartfonning barcha qismlarini yechishga to'g'ri keladi. Undan SIM-kartani, xotira kartasini, agar imkoni bo'lsa matritsa platasini ham yechib oling. Shleyflarni ulangan yeridan uzib tashlang. Quriting Telefon ichiga kirgan suyuqlik yopishqoq (masalan, shirin choy, gazli ichimlik, kefir kabi) yoki yog'li bo'lsa (masalan, sho'rva, yog' bo'lsa) avvalo, uni suv bilan yuvib tashlash lozim bo'ladi. Quritish jarayonini ikki xil usulda amalga oshirsa bo'ladi. Birinchi usul: uni quritishda changyutgichdan foydalaning. Ammo fendan emas. Chunki fen smartfonning sezgi kuchli qismlariga, masalan dinamikasiga, mikrafoniga va ekraniga zarar keltiradi. To'planib qolgan suv to'kib tashlanadi va changyutgichda 5-10 daqiqa quritiladi. Ikkinchi quritish usuli biroz ko'proq vaqt oladi. Guruch yoki oqshoq biror-bir idishga solinib, unga yechib olingan smartfon qismlari aralashtirib qo'yiladi. Bir-ikki kundan so'ng ular olinib, yig'ib chiqiladi. Ishlab ketishiga kafolat bo'lmasada, har holda umid qilsa bo'ladi. :) Suvdan tozalashning yanada tez usuli, yechib olingan iqsmlarni toza spirtga bir kun davomida solib qo'yish kerak. Suv spirtga aralashib ketadi. Spirtning o'zi esa havoda parlanib ketadi. Ammo unutmaslik kerakki, ekran, dinamika hamda mikrafonni hech qanday suyuqlikka, jumladan, spirtga ham solib bo'lmaydi. Endi nohush vaziyatga tushib qolganingizda nima qilishni bilasiz! ;) |
![]() Ko'pchiligimiz Nokia S40, Sony Ericsson, Samsung va shunga o'xshash Java qo'llaydigan telefonlar ishlatamiz. Nima uchun bu rusumdagi telefonlar Android va Symbian smartfonlari kabi menyuni boshqarish imkoni bo'lmaydi.
Masalan: Programma kodlagich, ekran blokirovkasi, fonarik, video va mp3 montaj qilish imkoniyatlari. Bu imkoniyatlar uchun Java platformasi umuman to'g'ri kelmaydi. Sababi Java qo'llovchi telefonlarda ichki xotira va operativ xotira qisqa bo'ladi. Android va Symbian Smartfonlari programmani o'zining bir qismiga aylantirish va butun tanasini boshqarishgacha imkon beradi. Java esa har qanday java qo'llovchi telefonda oddiygina bir qism holos. Nima uchun ekran blokirovkasi yoki menyudagi programmalarni qulflash imkoni mavjud emas? Har qanday java telefonidan bitta qizil klavish yoki HOME klavishi mavjud. Shu tugmachalar bosilishi bilan Java programma yoki o'yindan chiqib ketish uchun ruhsat so'raydi. Biror programmaga kirib undan chiqib ketmasdan menyuga qaytish imkoni yo'q. Ba'zi telefonlarda bor, lekin baribir java telefonning bir qismiligicha qolib ketaveradi. Nima uchun Android va Symbian smartfonlari programma yoki o'yinlariga sertifikat so'raydi? Buning javobi oddiy. Smartfonlar programma yoki o'yinni butun vujudiga qabul qiladi va Smartfonni yanada imkoniyatlarini oshirish mumkin. Bu yaxshi, lekin yomon tomoni shundayki, agarda birorta programma yomon maqsadda yaratilgan bo'lsa, smartfoningizga va o'zingizga katta zarar yetkazadi. Masalan: Internet ishlab pulingizni o'z mayliga ishlanib ketishi, smartfoningiz qotishi va o'chib, umuman yonmay qolishi ham mumkin. Java bilan smartfonning farqi shunda. Java telefonning bir qismi xolos. Smartfonlar uchun yaratilgan o'yin va programma smartfonning hamma qismida ishlashi mumkin. Shuning uchun ham smartfonlar sertifikat talab qiladi. Sababi sertifikat programma yoki o'yinni biror kompaniya yoki yaratuvchisi programma uchun kafolat berganini tasdiqlaydi. |
![]() Salom xurmatli do'stlar va akalar! Mana bugun ko'pchilikning talabiga binoan Android fayllar(.apk)-ni tarjima qilish haqida maqola yozmoqchiman! Buning uchun bizga kerak bo'ladigan dasturlar:
1. "MT-Manager" 2. "Dalvik bytecode editor" Qo'llanma: 1. "MT-Manager" dasturiga kiramiz 2. Tarjima qilmoqchi bo'lgan fayl(.apk)- ni topamiz 3. Fayl ustiga bosamiz 4. Ochilgan menudan "Prosmotr"- ni tanlaymiz 5. Fayl ichida "Resources.arsc" fayli mavjud shu fayl til paketi hisoblanadi shu faylni tahrirlab saqlaysiz Eslatma!!! Bazi fayllarda "Classes.dex"- fayli ichida xam so'zlar mavjud ularni tarjima qilishda ehtiyot bo'ling aks holda dastur ishlamasligi mumkin! 6. Dasturdagi rasmlar "res" yoki "asserts" papkalarida bo'ladi shu yerdan o'zgartirasiz 7. Tayyor bo'lgan dasturni ishga tushirishga oz qoldi! Endi "Dalvik Bytecode Editor"- dasturini ochamiz 8. Tarjima qilgan faylni topib ustiga barmoqni uzmay bosib turamiz 9. Menu hosil bo'ladi biz bu menudan "Signed" buyrug'ini tanlaymiz Ana dastur tayyor bo'ldi endi "File_signed.apk" faylini ustanovka qilib ishlataveramiz!!! Forumda ".zip" kengaytmali fayllar ishlashi bilan dasturlarni yuklayman! Tarjima qilish usullari xali ko'p lekin qulayi shu, keyinchalik qolganini xam yozaman! Bu usul "Android" platformasida ishlaydigan telefonlar uchun! |