2020 йилга бориб Ўзбекистонда йилига 1,05 млн дона телефон ишлаб чиқариладиган бўлади

2020 йилга келиб Ўзбекистонда йилига 1,05 млн. дона телефон ишлаб чиқарилади. Бу ҳақда «Экономическое обозрение» журнали хабар тарқатди. Манбанинг ёзишича, Ўзбекистон Республикаси Президентининг 2015 йил 4 мартдаги «2015 – 2019 йилларда ишлаб чиқаришни таркибий ўзгартириш, модернизация ва диверсификация қилишни таъминлаш бўйича чора-тадбирлар дастури тўғрисида»ги Фармонига асосан бундай кўрсаткичларга аниқлик киритиб ўтилган. Жорий йилда мамлакатимизда ишлаб чиқариладиган мобил телефонлар миқдори 550 минг донани ташкил қилиши прогноз қилинган. Ўзбекистон бозорини миллий мобил телефонлари билан тўлдиришда ҳозирги кунга келиб иккита корхона –«Artel Trade» МЧЖ (Тошкент ш.) ва «Pengzhong Xingsheng» МЧЖ ҚК (Сирдарё вилояти) томонидан амалга оширилмоқда. Маҳаллий компанияларнинг ишлаб чиқариш қуввати Жанубий Кореянинг «Samsung Electronics», Хитойнинг «Midea Group» ва «Changhong» компаниялари билан ҳамкорлик натижасида 2010 йилга келиб 500 мобил телефон чиқариш имкониятини яратганди. 2013 йилнинг июл ойида Хитойнинг «ZTE (H.K.) Limited» ва «Peng Sheng» МЧЖ ҚК (Ўзбекистон) ҳамкорлик натижасида қиймати $3,16 млн.лик мобил телефонларни ишлаб чиқарилди. 2016 йилда ушбу компаниянинг йиллик ишлаб чиқариш қуввати 500 минг телефон қурилмалари ишлаб чиқаришга етказилади.
Категория: TEXNOLOGIYA \| Теги: телефон, Ўзбекистон, ишлаб чиқарилади
Просмотров: 2032 \| Рейтинг: 0.0/0