![](/_nw/60/s14677125.jpg)
Yoz fasli oxirida O‘zbekiston bo‘ylab havo harorati ko‘tarilishda davom etmoqda. Tushki vaqtda jazirama quyosh 39 darajagacha qizdirishi kutilmoqda.
Ertaga, 29 avgust kuni Toshkent shahrida havo biroz bulutli bo‘ladi, yog‘ingarchilik kuzatilmaydi. Harorat kunduzi +36...+38 daraja, kechasi +18...+20 daraja iliq bo‘lishi kutilmoqda.
Qoraqalpog‘iston Respublikasi va Xorazm, Buxoro, Navoiy, Samarqand, Jizzax va Sirdaryo viloyatlarida havo harorati kunduzi 34–39 daraja issiq, kechasi 17–22 daraja iliq bo‘ladi.
Farg‘ona vodiysida esa harorat kunduzi 33–38 daraja issiq, kechasi 16–21 daraja iliq bo‘lishi kutilmoqda.
Eng issiq harorat O‘zbekiston janubidagi Qashqadaryo va Surxondaryo viloyatlarida kuzatiladi. Bu yerda harorat kunduzi 40 darajagacha ko‘tariladi. Kechasi esa 17–22 daraja iliq bo‘lishi kutilmoqda.
Durdona Rasulova
|