6 ёшли болакай Microsoft компаниясининг энг ёш IT-мутахассиси

Microsoft Certified Professional имтиҳонини 5 ёшда муваффақиятли топширган Аян Куреши эндигина мактабга боради. Ҳинд миллатига мансуб бўлган британиялик бу болакай 3 ёшидан компьютерга жуда қизиқа бошлаган.

Отаси Азим Курешининг таъкидлашича, ўғлининг техникага бўлган қизиқишини кўргач, у ўзи билган барча нарсаларни унга ўргата бошлаган. Бироз каттароқ бўлгач, Аяннинг отаси унга алоҳида компьютер лабораторияси хонасини ташкил қилиб берди. Болакайнинг асосий вақти ана шу хонада ўтади. Имтиҳон натижалари ижобий чиққанига қарамай у 8 йилдан сўнггина ушбу компанияда ишлаши мумкин бўлади.

Microsoft Certified Professional имтиҳони университетни битириш арафасидаги ёки битириб қўлига диплом олган талабалар орасида ўтказилади, яъни у катталар учун мўлжалланган. Аяннинг ушбу имтиҳонни 5 ёшидаёқ топшира олгани компания вакиллари томонидан юқори баҳоланган.