9 oy davomida O'zRTXBda 32 ming tonna armatura ishlab chiqarildi

O'zRTXB ma'lumotlariga ko'ra, joriy yil armatura birja bozorida narhlar tebranuvchanligi saqlanib qolmoqda. Bunga uning bozordagi talab va taklifi oshayotganligidan darakdir. Misol uchun yanvar oyida taklif etilgan ST 12-35 GS markali armaturaning hajmi  460 tonnani tashkil etgan bo'lsa, mart oyida ushbu ko'rsatkich dastlab 917 tonnaga ko'tarilib, so'ng o'rtacha 728 tonnagacha pasaydi. Bunda armaturaga bo'lgan narh o'rtacha hisobda yanvar-mart oylari davomida bir tonna uchun 2,8 mln. so'mdan 2,3 mln. so'mga kamaydi. Boshqacha aytganda, armatura birja bozori joriy yil davomida o'zining yuqori darajasidan minimumga tushib ketdi.

Navbatdagi davrda bozorda o'sish tendensiyasi kuzatildi. Xususan, aprel oyidan boshlab armaturaga bo'lgan narh ko'tarila boshlab, iyun oyida 1 tonna uchun 2,7 mln. so'mga yetdi. Treyder va mutaxassislarning fikricha mazkur davr mobaynida narhdagi sezilarli o'sish birjadagi taqdim etilgan mahsulotlar hajmi bilan bog'liq.    O'rtacha oylik hisobda armaturalar sotuvlar hajmi aprel oyida 794 tonnani tashkil etgan bo'lsa, iyun oyida ular 683 tonnagacha pasaydi.

Ko'rilayotgan davr mobaynida birja savdolari orqali 32 ming tonna qora metall sotilgan bo'lib, bu ko'rsatkich o'tgan yilning mos davriga nisbatan 18 foizga ko'p demakdir. Biroq uning ulushi qora metall birja bozorida 5 foizga tushib, 63 foio'ni tashkil etdi. Bu esa qora metallprokati boshqa turlarining sotuvi hajmi oshganligi sabablidir.