АҚШ ҳарбий базасида аскар отишма уюштирди

34 ёшли Иван Лопез АҚШнинг Техас штатидаги Форт Худ ҳарбий базасида отишма уюштирди. Маълум бўлишича, аскар Ироқда хизмат қилган ва руҳий касал бўлган. Бу ҳақда Agenc-France-Presse нашри ҳарбий база командири, генерал-лейтенант Марк Милл сўзларига асосланиб хабар бермоқда. Офицернинг қайд этишича, содир бўлган воқеада террорчилик ҳаракати кузатилмаган. Унинг сўзларига кўра, отишма оқибатида 4 киши ҳалок бўлган. Отишмани уюштирган аскар эса ўз жонига қасд қилган. Жароҳатланганлар сони 16 кишини ташкил қилган.