Афсонавий Сергей Бубка Тошкент шаҳрида!

Халқаро енгил атлетика федерацияси вице-президенти ва Украина Миллий Олимпия қўмитаси раҳбари Сергей Бубка бугун пойтахтимиз Тошкент шаҳрига ташриф буюрди. 

Сафар давомида машҳур спортчи пойтахтимизда қад ростлаётган Ўзбекистон Миллий Олимпия қўмитасининг янги биноси ҳамда “Пахтакор” стадионида барпо этилаётган енгил атлетика мажмуасида бўлади. Мартабали меҳмонга  Ўзбекистон Миллий Олимпия қўмитаси президенти Мираброр Усмонов ва Ўзбекистон Маданият ва спорт ишлари Вазирининг Спорт ишлари бўйича биринчи ўринбосари Мурод Алиевлар ҳамроҳлик қилишди. Сергей Бубка даставвал ЎФФнинг биносида олдида қурилаётган Ўзбекистон Миллий Олимпия қўмитасининг янги биносининг қурилиш ишлари билан яқиндан танишиб у ерга ғишт қўйди. Шундан сўнг, “Пахтакор” стадионига йўл олган жаҳон рекордчиси ва олимпияда чемпиони енгил атлетика мажмуасида ҳам бўлди. Ва ерда Бубка, Светлана Радзивил сингари бир қатор спортчилар билан мулоқот уюштирди. Шунингдек, ОАВнинг саволларига ҳам жавоб берди.

Сергей Бубка (Халқаро енгил атлетика федерацияси вице-президенти ва Украина Миллий Олимпия қўмитаси раҳбари) - Мен юртингизда бўлиб турганимдан ҳурсандман. Бу ерда қур ишлари билан танишдим. Спортга бўлган эътибор учун Ўзбекистон республикаси президентига ташаккур айтаман. Бошқа спорт турлари каби енгил атлетика ҳам Ўзбекистонда жуда тез тараққий топмоқда. Мен ушбу спорт турининг янда оммалашиши учун қўлимдан келганича ёрдам бераман.  

  Ташрифи давомида Сергей Бубка, муҳташам “Бунёдкор” стадионига бориб, урда яратилган шарт-шароитлар билан яқиндан танишади.
 Шундан сўнг бугун кечки пайт Сергей Бубка Жанубий Корея пойтахти Сеул шаҳрига учиб кетади.
 
Маълумот учун. Сергей Назарович Бубка 1963 йил 4 декабрь куни Луганск шаҳри (Украина)да таваллуд топган. Лангарчўп билан баландликка сакраш бўйича 1988 йил Сеул (Ж.Корея)да бўлиб ўтган Олимпиада ўйинлари ғолиби, олти карра жаҳон чемпиони, қатор йирик халқаро мусобақаларнинг ғолиб ва совриндори.

С.Бубка 1984 йилдан 1994 йилга қадар 35 бор жаҳон рекордини ўрнатган (шундан 18 таси ёпиқ спорт иншоатларда). Унинг 1985 йил 13 июль куни Париж (Франция)да ўрнатган рекорди (6 метрдан баландга сакраган) тарихий натижа бўлган.Сергей Бубканинг очиқ спорт комплексларида ўрнатган энг юқори кўрсаткичи 1994 йили Сестриере (Италия)да қайд этилган. Ушбу мусобақада Сергей Бубка 6 м. 14 см. баландликнир забт этган. Ёпиқ спорт иншоатларидаги энг юқори кўрсаткичи (6 м. 15 см.) 1993 йили Донецк шаҳри (Украина)да қайд этилган. 

2005 йилнинг 23 июнидан бошлаб Украина Миллий Олимпия қўмитасига раҳбарлик қилиб келади. 2000 йилдан Халқаро Олимпия қўмитаси ижроқўм аъзоси.