Ҳафта ҳайратлари! Хизматдан ташқари хизмат

Бу галги сонимиз асосан миллий чемпионатларга бағишланади. Албатта, Европа миллий чемпионатларига. Ўзимизники, дейсизми? Бизда ҳаммаси жойида, одатдагидек, кўчадаги исталган одамдан сўрасангиз, айтиб беришади. Ҳисобни эмас, чемпионатимиз ҳақида. Унда бошладик.

Чемпионликка яқинлашаётган Мерсисайд аҳли

"Сандерленд" деб аталмиш аутсайдер жамоа аввалига "Манчестер Сити"дек грант билан "Этихад"да дуранг ўйнади.

Кейин эса "Стемфорд Бриж"да бу дуранг тасодифий эмаслигини исботлаб, кимсан Жозе Моуриньони доғда қолдирди. Чўкаётган одам ёлғиз хасга ҳам ёпишади, деганлари шу-да.

"Эвертон" собиқ, "Манчестер Юнайтед"нинг ҳозирги бош мураббийи Дэвид Мойес Ливерпулга қайтди ва яна ютқазиб қўйди. "Тоттенхем" ҳам ғалаба қозонганини ҳисобга олсак, бу мавсум "қизил иблислар" Европа лигасига ҳам илашиб қолишлари гумон бўлиб қолмоқда.

"Бавария" эса чемпионлик ташвишидан қутулиб, аллақачон ярим финалга тайёргарлик кўрмоқда. Кўрамиз, Гвардиола бу сафар қандай чора ўйлаб топар экан...

"Реал" яна кубок соҳиби бўлди

Испания кубоги, эл-класико ўйинида "Реал" ғалаба қозонди ва кубокни Мадридда олиб қолди. Бунда 100 миллионга сотиб олинган Гарет Бейлнинг хизматлари катта. Футбол мухлисларининг таъбири билан айтганда, Бейл майдон ташқарисига чиқиб, стадионни айланиб, чой-пой ичиб келиб, хотиржам гол уриб кетди. Унинг бу голи тарихда қолди.

"Синдирадиган" хабар!

Бугун маълум бўлишича, Глейзерлар оиласи Дэвид Мойесни 24 соат ичида ишдан бўшатишлари мумкин. Бу ҳақда "Скай Спортс" манбаси хабар берди. Начора, Умар Моманига раҳмат.

Манба: www.uff.uz