Aktrisa Bipasha Basu 30 aprel kuni turmushga chiqmoqda

Hind aktrisasi 37 yoshli Bipasha Basu va 34 yoshli aktyor Karan Singx Groverlar uzoq vaqtdan buyon tanishlar. Bipashaning qo‘lida paydo bo‘lgan uzuk shou-biznes olamida shov-shuvga sabab bo‘ldi. Shu uzuk Bipasha va Singx o‘rtasidagi munosabatlar haqida OAVning turli taxminlari chop etilishi sabab bo‘ldi. Bunday xabarlarga qarshi Bipasha “Bu gap-so‘zlar bilan bir necha yillar davomida yashayapman. Iltimos, sabrli bo‘linglar, axir, bu mening hayotim. Agar meni yaxshi ko‘rsangiz, hurmat qilsangiz, iltimos, sabrli bo‘ling”, – deya izoh bergandi. Bir necha kun avval Bollivud aktrisasi Bipasha Basu va Karan Singx Grover o‘rtalaridagi munosabatlarga oydinlik kiritgan holda turmush qurayotganlari haqida rasman ma’lumot berishdi. To‘yga taklif qilinganlar ro‘yxati bo‘yicha taklifnomalar o‘z egalariga tarqatilgan. “Biz sizlarga hayotimizdagi quvonchli xabarni yetkazayotganimizdan mamnunmiz. 2016 yilning 30 aprel kuni bo‘lib o‘tadigan to‘yimiz bahonasida ota-onalarimiz, yaqinlarimiz, do‘stlarimiz va muxlislarimizni bizni qo‘llab-quvvatlaganlari uchun minnatdorchilik bildirish istagidamiz. To‘y kichik doirada o‘tkaziladi. Ikkimiz yangi hayotga qadam qo‘yish arafasida turib, sizning duolaringiz va tilaklaringiz soyasida baxtli yashash niyatidamiz”, – deyiladi rasmiy xabarda. Ma’lumot uchun, Karan Singx Grover 1982 yilning 23 fevralida Hindistonda tug‘ilgan. Bipasha uning uchinchi turmush o‘rtog‘i sanaladi. Bundan avval, u ikki marotaba uylangan. Bipasha Basu 1979 yilning 7 yanvarida Nyu-Dexlida tavallud topgan. U ilk bor turmushga chiqmoqda. Umida Yakubova
Категория: BOLLEWOOD XABARLARI \| Теги: Bipasha Basu
Просмотров: 1890 \| Рейтинг: 0.0/0

Похожие материалы

запомнить
Забыл пароль \| Регистрация

Логин:
Пароль: