Актриса Сандра Буллок қиз фарзанд асраб олди

Голливуд актрисаси, “Оскар” мукофоти совриндори Сандра Буллок ўғли Луига сингил бўладиган 3,5 ёшли қизчани асраб олди, деб хабар берди People журнали.

Актриса фарзанд асраб олиш жараёнини уч йил олдин бошлаган. Бола аввал Луизианадаги бир оилага берилган эди.

“Мен Лайлага қараганимда, у мен билан бўлиши кераклигига шубҳам бўлмаган”, деб айтади Буллок.

Буллок унинг фарзандлари унда мақбул вақтда дунёга келганини қўшимча қилиб ўтди.

“Менинг оилам турфа. Гоҳида у ғаройиб, лекин унда муҳаббат ва бир-бирини тушуниш ҳукм суради”, деб айтмоқда актриса.

Буллокнинг айтишича, у яна бир фарзанд асраб олиш қарорини узоқ вақт маълум қилмаган ва бу ҳақдаги исталган ахборотни инкор этган.

Буллок ўз вақтида 2010 йилда “Кўринмас томон” фильми учун «Оскар» мукофотини олгандан икки ой ўтиб ўғли Луини асраб олишини эълон қилганди.