Америкалик фуқаро лотереяда 400 миллион доллар ютиб олди

Лотерея ғолибининг ташкилотчиларга айтишича, у бахтли чиптани рафиқасига хот-дог олиб бериш учун тўхтаган ёнилғи қуйиш станцияларидан бирида сотиб олган.

Дўконда хот-дог бўлмаган, шунда у 20 долларни лотерея чиптасини сотиб олишга сарфлашга қарор қилган. Жекпот соҳибининг сўзларига кўра, у ҳаётида иккинчи бор лотерея чиптасини сотиб олган.

Қайд этиб ўтамиз, "Powerball” лотереяси шартларига кўра, ғолиб ютиб олинган пулни 29 йил мобайнида бўлиб-бўлиб олиши ёки маблағларнинг бир қисмини йўқотган ҳолда бир марталик тўловга рози бўлиши мумкин, деб ёзади "Lenta.ru”.

Агар Жанубий Каролиналик фуқаро иккинчи вариантни танласа, у 233 миллион доллар олади.