Қамоқхонани соғинган америкалик банкни ўмарди

АҚШ суди ҳаётини асосий қисмини турма ортида ўтказган америкаликни банкка ҳужум қилгани учун 3,5 йилга озодликдан маҳрум қилди.

CBS телеканалининг хабар қилишича, у қамоқхонадан ташқарида зерикиб қолган шу туфайли у ерга қайтмоқчи бўлган. 

2013 йилда 74 ёшли Волтер Анбехаун Чикаго штатидаги банклардан бирига киради. У банк ходимларига таҳдид солиб, 4,178 минг АҚШ доллари олди ва яқин атрофдаги меҳмонхона томонга йўл олди. Меҳмонхонага полиция ходимлари ташриф буюргач, жиноятчи  уларни кўриб ҳурсанд бўлиб кетади. 
У менга шунчаки уйга бормоқчи эканлигини айтди,- деди Анбехаун адвокати Ричард МакЛизи. Адвокат аввалига жиноятчини гаров эвазига чиқмоқчи деб ўйлади. Аммо, бир оздан сўнг у уйи сифатида қамоқхонани назарда тутганини тушунди. 2013 йилнинг сентябр ойида Анбехаун ўз айбини тан олди. 

Жума куни судда жиноятчи қамоққа қайтиш истагидалигини айтди. Аммо, у ҳаётини қамоқда тугатиш нияти йўқлигини қайд этди. Айблов томон вакили Шэрон Фейлрлининг айтишича, суддан олдин мунозара бўлиб ўтган, унга кўра, Анбехаунга озодликдан маҳрум этилиши жазо эмас, аксинча мукофот бўлади. Аммо, у озодликда жиддий жиноятларни содир этиши мумкин. 

Илк бор Анбехаун 23 ёшида ўғирланган машинани олиб ўтишда айбланиб, қамалган эди. Шундан сўнг у турли хил жиноятлари учун озодликдан маҳрум қилинган, шу қаторда қамоқдан қочиш учун ҳам.