“Biznesni yuritish” reytingida O‘zbekiston 16 pog‘ona yuqoriladi

Hisob bo‘yicha o‘n uchinchi “Biznesni yuritish” ma’ruzasida tadbirkorlik faoliyatini kengaytirish imkonini beruvchi va uni cheklovchi huquqiy me’yorlar baholanadi. Tahlil xususiy korxonalar hayotiy siklining 11 ta sohasi bo‘yicha olib borildi, bular: korxonalar tashkil etish, qurilish uchun ruxsat olish, elektr ta’minotiga ulanish, xususiy mulkni ro‘yxatdan o‘tkazish, kredit olish, minoritar investorlar huquqlarini himoya qilish, soliq solish, xalqaro savdo, shartnomalar bajarilishini ta’minlash va korxonalarning soliq to‘lay olmaslik holatini hal etish.O‘zbekiston kreditlar olish, xususiy mulkni ro‘yxatdan o‘tkazish, korxonalarni ro‘yxatdan o‘tkazish, soliq solish sohalarida ko‘rsatkichlarni yaxshilagan bo‘lsa, aksincha, elektr ta’minoti tizimiga ulanish, qurilish uchun ruxsat olish, xalqaro savdo bo‘yicha pastroq natijalar ko‘rsatgan. Shartnomalar bajarilishini ta’minlash va soliq to‘lay olmaslik holatini hal etish ko‘rsatkichlari bo‘yicha esa reytingdagi o‘rni o‘zgarmadi.Tadbirkorlik faoliyati uchun qulay sharoitlar bo‘yicha dunyo reytingida ketma-ket o‘n yildan buyon Singapur yetakchilik qilmoqda. Yuqori o‘ntalikka, shuningdek, Yangi Zelandiya, Daniya, Koreya Respublikasi, Gonkong (Xitoy), Buyuk Britaniya, AQSh, Shvetsiya, Norvegiya va Finlyandiya kirdi.