Бош қомусимизга бир қатор ўзгартиришлар киритилади

Ҳозирда буларни назарда тутган қонун лойиҳаси тайёрланмоқда ва ҳужжат партиялар фракциялари йиғилишларида кўриб чиқилмоқда.

Депутатлар Асосий қомусимизнинг олтита, хусусан, 32, 78, 93, 98, 103 ва 117-моддаларига ўзгартиш киритмоқчилар. Ушбу моддалар Парламентнинг назорат функцияларини ва жамоат назорати ваколатларини кенгайтиришга қаратилган.

93 ва 98-моддаларга киритиладиган ўзгартиришлар эса президентнинг бир қисм конституцион ваколатларини Бош вазирга ўтказилишини кўзда тутади.

Экспертларнинг фикрича, ушбу ўзгаришлар ижроия органларининг парламент олдидаги масъулиятини ошириш, уларнинг фаолияти устидан парламент назоратини кучайтириш, мамлакатимизда давлат бошқарувининг очиқлигини таъминлаш, кўппартиявийлик тизимини мустаҳкамлаш, жамиятда партиялар ўртасидаги рақобатни кучайтиришга қаратилган.