«Челси» ўз майдонида «Сандерленд»га енгилди

Англия Премьер-лигасининг 35-туридан ўрин олган “Челси“ ҳамда “Сандерленд” жамоалари ўртасидаги учрашув якуланди. Унда меҳмонлар 1:2 ҳисоби билан ғалаба қозонишди.

Биринчи бўлимнинг 12-дақиқасидаёқ Самуэль Это′О бурчак зарбасидан унумли фойдаланиб мезбонларни ҳисoбда олдинга олиб чиқишга муваффақ бўлди. Орадан олти дақиқа ўтар-ўтмас, Коннор Уикхэм, дарвозабон Марк Шварцернинг хатосидан фойдаланиб, ҳисобни тенглаштирди.

Иккинчи бўлимда, дарвозалар сўнгги дақиқаларга қадар, ишғол қилинмай келаёттган эди. Бироқ, 82-дақиқага келиб, Аспиликуэта ўз жарима майдонида Алтидорга қарши ўйин қоидасини бузгани сабаб, лондонликлар пенальти билан жазоланишди ва уни Фабио Борини бехато амалга ошириб, ҳисобни - 1:2 кўринишига олиб келди. Учрашув охирига қадар, “Челси” рақиб дарвозасига бир неча хавф солди, аммо таблодаги натижа ўзгармай қолди.

Демак, “Стэмфорд Бриж”да қайд этилган сенсациядан сўнг, “Челси” 75 очко билан иккинчи ўринда қолди ва агарда “Ливерпуль эртага “Норвич”ни мағулб этадиган бўлса, “кўклар” пешқадамдан беш очкога ортда қолишади.

Англия Премьер-лигаси. 35-тур

Челси – Сандерленд 1:2 (1:1, 0:1)
Голлар: 1:0 – 12 Это′О, 1:1 – 18 Уикхэм, 1:2 – 82, пенальти Борини.
Челси – Шварцер, Иванович, Терри, Кэйхилл, Аспиликуэта, Рамирес, Матич, Виллиан, Оскар (Д.Ба, 59), Салах (Шюррле, 66), Это′О (Торрес, 74).
Сандерленд – Манноне, Верхини, О’Ши, Браун, Алонсо, Кэттермоул, Колбэк, Джонсон (Джаккерини, 66), Ларссон (Челюстка, 90), Борини, Уикхэм (Алтидор, 66).
Огоҳлантиришлар: Кэттермоул (56), Браун (73), Торрес (90).