Дунёдаги энг катта "Coca-Cola" ёзуви Ўзбекистонда яратилди

Бугун кока-кола ичимлигининг Ўзбекистондаги ишлаб чиқарувчиси Coca-Cola Ichimligi Uzbekiston, Ltd корхонаси дунёдаги энг ката Coca-Cola ёзуви акс этган сурат юртимизда яратилганини маълум қилди.

Сурат 10 нафар рассомлар гуруҳи томонидан яратилди, дейди уни чизишда қатнашган бош рассом Фарҳод Шамсиев.

Унинг маълумотларига кўра, суратнинг баландлиги 53 метр, ёзувнинг узунлиги эса 167 метрни ташкил қилади. Уни  яратишга 1 ой вақт ҳамда 640 литр бўёқ сарфланган.

Ушбу сурат завод томига ўрнатилди, уни осмонда парвоз қилаётган самолётдаги учувчилар кўриш имконига эга бўладилар, дейди рассом.

Бугун Coca-Cola компанияси дунёнинг 200 та мамлакатида ўзининг уч мингга яқин ичимлигини тақдим этадиган йирик ишлаб чиқарувчилардан бири саналади. Coca-Cola бренди — дунёнинг 94% аҳолисига маълум бўлган энг қиммат бренд саналади.