Euronews телеканали Ўзбекистонга бағишланган лавҳалар намойишини бошлади

Ушбу лавҳаларнинг дастлабкиси «Самарқанд – маданиятлар чорраҳаси» деб номланади. Euronews мухбири шаҳарнинг ўтмиш тарихи, Амир Темур ва Мирзо Улуғбек даврида қад ростлаган қадими иншоотлар, илм-фан ривожи ҳақида ҳикоя қилар экан, унинг Ўзбекистоннинг энг йирик иккинчи шаҳри экани ва қадимда Буюк ипак йўлида муҳим ўрин тутганини таъкидлайди. Машҳур Сиёб бозори ҳақида сўз юритар экан, Самарқанд нонларининг иси ва мазаси бошқа бирон жойда учрамаслигини айтади. Шунингдек лавҳада миллий либослар театри ва Самарқанд гиламдўзлик санъати ҳақида ҳам ҳикоя қилинади. Навбатдаги ана шундай лавҳа энди Бухорога бағишланади.