Фьюри жаҳон чемпиони унвонидан воз кечишга тайёр

Тайсон Фьюренинг промоутери Мик Хеннессининг маълум қилишича, боксчи украиналик боксчи Вячеслав Глазков билан жанг олиб бормаслик мақсадида оғир вазн тоифасида IBF чемпионлик камаридан воз кечиши мумкин.

Фьюри IBF камарини Владимир Кличкодан ютиб олганди.

“Биринчидан менга IBF дан мактуб келганини айтишди. Унда 30 кун ичида жанг ташкиллаштирилиши кераклиги ёзилган эди. Эртаси куни эса бу ҳақида ҳеч қандай гап-сўз йўқлигини айтишди.

Агар улар бизни Глазков билан бўладиган жанг билан қўрқитишмоқчи бўлса, унда Тайсон камарини ахлат челагига ташлаб юборади.

Глазков билан жанг бўлмайди. У биз учун ноль аҳамиятга эга. IBF бу ишни Тайсон билан маслаҳатлашмай қилмоқчи, аммо у ўзининг устидан кулишларига йўқ қўймайди”, — деди Хеннеси.