Инсониятга 320 мингта номаълум вирус хавф солмоқда

Экспертларнинг ҳисоб-китобларига кўра, ёввойи табиатдаги сут эмизувчилар орасида тарқалган камида 320 мингта янги вирус инсониятга таҳдид солиши мумкин.

ОИВ/ОИТС, Ғарбий Нил безгаги, Эбола безгаги, атипик пневмония ва грипп каби вирусли касалликларнинг тахминан 70 фоизи ҳайвонлардан одамга ўтадиган инфекциялар ҳисобланади. Бироқ ҳали ёввойи табиатда олимларга ҳозиргача номаълум бўлган вируслар ҳам кенг тарқалган.

Бу борадаги илк тадқиқотлар Бангладеш чангалзорларида ўтказилди. Бу ерда "Nipah” вирусининг табиий ташувчиси бўлган учар тулкилар яшайди. Ушбу вирус энцефалит ва респиратор касалликларининг қўзғатувчиси ҳисобланади. Тадқиқот давомида олимлар ҳайвонлардан 1897 та биологик материал намунасини олди, кейин лаборатория шароитларида уларда 55 та вирус борлигини аниқлади.

Маълум бўлишича, шулардан фақат бештасигина ҳозирга қадар маълум экан. Мазкур рақам сут эмизувчиларнинг 5486 та турига тақсимлаб чиқилганида, номаълум вирусларнинг тахминий сони 320 мингга яқин экани аниқланди. Олимларнинг сўзларига кўра, ҳозирча бу рақам кейинги тадқиқотлар учун бошланғич нуқта вазифасини ўтайди, холос. Бу вирусларнинг ҳаммасини аниқлаш учун 6,3 миллиард долларга яқин маблағ зарур бўлади.

Manba:darakchi.uz

Категория: SOG'LIK (SIXAT-SALOMATLIK) | Теги: Вирус

Просмотров: 1420 | Рейтинг: 0.0/0

Похожие материалы

Ҳар куни қарийб 7 минг киши инсон иммунитет танқислиги вируси қурбонига айланади

31.03.2014 1354

запомнить
Забыл пароль \| Регистрация

Логин:
Пароль: