Jarohatlangan yuz uchun 3D-printerda chop etilgan suyaklar o‘rnatildi
Buyuk Britaniyalik Stiven Pauer 2012-yili mototsiklda yo‘l-transport hodisasiga uchrab, yuzi va bosh suyagi jiddiy jarohat olgan edi. Tibbiyot xodimlari yangicha usulda jarrohlik amaliyoti o‘tkazib, 3D-printerda chop etilgan qismlar yordamida uning yuzini tikladi. Bu haqda MedPortal.ru xabar bermoqda. Garchi himoyalovchi bosh kiyimida bo‘lsa ham, o‘shanda 20
yoshli Pauerning yuqori jag‘i, burni, ikki yonog‘i va bosh suyagi singan edi. "O‘zim bu avariya sodir bo‘lgan
lahzani xotirlay olmayman, faqat undan besh daqiqa avvalgi holat esimda. Oradan
bir necha oy o‘tgach shifoxonada o‘zimga kelganimni bilaman, xolos”, — deydi u. Bemorning yuzini tiklash uchun 3D-printerda chop etilgan modellar, plastina va implantatlarni qo‘llagan holda jarrohlik amaliyoti o‘tkazildi. Suonsi shahridagi Morriston Hospital shifoxonasi xodimlari bemor bosh suyagining simmetrik 3D-modelini yaratish va chop etish uchun kompyuter tomografiyasidan foydalandilar. Keyin esa unga moslab plastina materialini printerdan chiqardilar. Suyaklarni mahkamlash uchun esa titandan yasalgan implantantdan foydalanishdi. Mazkur amaliyot murakkab bo‘lib, dastlab jarrohlar Pauerning yonoq suyaklarini qaytadan sindirishdi. Keyin kompyuterda namunalar yaratildi, so‘ng plastinalar chop etildi. Nihoyat, yuz suyaklari qaytadan joyiga qo‘yildi. Bularning barchasiga sakkiz soat vaqt sarflandi. Stivenning ta’kidlashicha, amaliyot natijalari uning hayotini butkul o‘zgartirib yubordi. Avariyadan keyin u jarohat izlarini yashirish uchun shlyapa kiyib, ko‘zoynak taqib yurishga majbur bo‘lgan edi. Endi esa yuzi yo‘l-transport hodisasiga uchrashidan avvalgi holatiga ko‘proq o‘xshab qolgan. Yuz-jag‘ sohasi jarrohi Edrian Shugar so‘zlariga ko‘ra, amaliyot natijalari avvalgilari bilan solishtirib bo‘lmaydigan darajada yaxshi chiqqan. "Mazkur ilg‘or texnologiya yordamisiz biz suyak nusxalarini qo‘lda yasar edik, — deydi u. – 3D-printer texnologiyasi suyaklarning yanada aniqroq nusxalarini yaratish va ajoyib natijaga erishish imkonini berdi, bu esa bemor uchun ham yaxshidir”. Muhandis-konstruktor Shon Pil o‘z intervyusida ta’kidlashicha, mazkur yutuq kelajakda sog‘liqni saqlash sohasida 3D-printer imkoniyatlardan unumliroq foydalanish uchun yo‘l ochib beradi. | |
Категория: DUYNO XABARLARI | | |
Просмотров: 1187 | |
Похожие материалы
Muhabbat tafti - Teri Meri hind soun... mp3
Ummon Guruhi - Aybim mp3
Benom - Balki Tun (OST Salom Sevgi) mp3
Munisa Rizayeva - Yurak mp3
Bolalar Guruhi - Jiyda mp3
VIA Marokand - Tarnov mp3
Botir Qodirov - Ko'ngil Izhori mp3
Shoxrux - Mani Jonim mp3
Jahongir - Bahor Bo'lib Sev (Buy... mp3
Добро Пожаловать, Гости