Хитойда 3 ёшли қизни 12 кишини ёқиб юборганликда айблашди

Хитойда терговчилар уч ёшли қизни устахонани ёқиб юборганликда айблашмоқда. Бу ҳалокат 12 кишининг умрига зомин бўлган, дея хабар беради Газета.ру нашри Agence France-Presse нашрига асосланиб.

Нашрнинг ёзишича, терговчилар ўт қизчанинг гугурт билан ўйнагани оқибатида юзага келганини аниқлашган. Ҳозирда қизнинг отаси ҳам ҳукумат томонидан қўлга олинган. У турар жой биносини устахона ўрнида ишлатганлик ҳамда ёнғин хавфсизлиги қоидаларига риоя қилмаганликда айбланмоқда.

Маҳаллий ОАВ вакилларининг хабар қилишича, ҳалок бўлганлар оила аъзоларига товон пули тўланади.