Londonda o‘zbek teatri faoliyat olib bormoqda
 Buyuk Britaniya poytaxti Londonda 2012-yildan beri Orzu Arts nomli o‘zbek teatri faoliyat olib bormoqda. Unga, VOT xabariga ko‘ra, teatr asoschisi, asli vodiylik Yo‘ldosh Jo‘raboyev rahbarlik qilmoqda. Yo‘ldosh Jo‘raboyevning ma’lum qilishicha, hozirgi vaqtda teatrda to‘qqiz kishi mehnat qilayotgan bo‘lib, “bu haqiqiy xalqaro loyihaga aylangan”. Masalan, teatr prodyuseri Jozef Sanders — ingliz, assistent Nozgul — Qirg‘izistondan, musiqachi Sufyon esa marokashlik, bastakor Aziza O‘zbekiston vakilasi, lekin Germaniyada yashaydi, teatrning so‘nggi rejissori esa Amerikadan tashrif buyurgan. Teatr ijodkorlari hozirgi vaqtga qadar Markaziy Osiyo afsonalari asosida “Darvesh”, Alisher Navoiy, Fariduddin Attor va Gyote asarlari asosida “Oshiq Majnun”, Erkin Xushvaqtovning “Chimildiq”, Xorazm afsonalari asosida “Lazgi” hamda qozog‘istonlik dramaturg D.Isabekovning “Tranzit yo‘lovchi” spektakllarini sahnaga olib chiqdi. Bundan tashqari, Orzu Arts teatri Gretsiya, Germaniya, Shvesiya, Shotlandiya, Qozog‘iston va boshqa mamlakatlardagi xalqaro festivallarda qatnashdi, 2015-yil bahorida esa gastrol safari bilan O‘zbekistonga keldi. Teatr spektakllari, tabiiyki, ingliz tilida qo‘yiladi, biroq ba’zan, masalan, “Darvesh” spektakli bilan bo‘lgan holatda, o‘zbek tili bilan birga olib boriladi. “Jahondagi eng katta teatr shahri hisoblangan Londonda bizniki kabi ekzotik teatrga, albatta, o‘ziga xos qiziqish bor. Biroq tomoshalar vaqtida bo‘sh o‘rinlar borligini sezamiz. Baxtimizga, biz doimiy tomoshabinlarimizni topib ulgurdik, ular orasida britaniyaliklar ham, jonajon O‘zbekistonimizdan kelgan vatandoshlarimiz ham bor”, — deydi Yo‘ldosh Jo‘raboyev. Qo‘shimcha sifatida, Orzu Arts’ning teatr tomoshalariga kirish pullik — teatrdagi joyga qarab, tomoshabin chipta uchun 8—15 funt miqdorida pul to‘lashi kerak. | |
Категория: DUYNO XABARLARI | | |
| Просмотров: 999 | |
Похожие материалы
 | 23.05.2021 1082 |
 | 12.02.2016 1447 |
Shahzoda ft. Shoxrux - Ket mp3 Muhabbat tafti - Teri Meri hind soun... mp3 Ummon Guruhi - Aybim mp3 Benom - Balki Tun (OST Salom Sevgi) mp3 Munisa Rizayeva - Yurak mp3 Bolalar Guruhi - Jiyda mp3 VIA Marokand - Tarnov mp3 Botir Qodirov - Ko'ngil Izhori mp3 Jahongir - Bahor Bo'lib Sev (Buy... mp3 Shoxrux - Mani Jonim mp3
Время: 08:52
Добро Пожаловать, Гости
Добро Пожаловать, Гости
Copyright © MP3LAR.COM 2016-2024 | Все права защищены | Реклама | Мы не несём ответственности за содержание. | Бесплатные произведения предназначены исключительно для предварительного ознакомительного прослушивания. Использование материалов сайта возможно только с письменного разрешения Администрации. |
Сделать бесплатный сайт с uCoz
