Месси Испанияда солиқлардан бўйин товлаганлик учун суд қилинади

"Барселона" жамоасининг аргентиналик ҳужумчиси Лионель Месси ва унинг отаси Хорхе Орасио Месси солиқлардан бўйин товлаганликда айбланиб, судга тортилади.Бироз олдинроқ, қироллик прокуратураси Мессидан айбловларни олиб ташлаганди. Тергов маълумотларига кўра, аргентиналик футболчининг молиявий ишларини бир неча йиллар давомида унинг отаси Хорхе Орасио Месси олиб борган.Прокуратура Мессининг отасига 18 ойлик қамоқ жазоси ва 2 млн евро миқдорида жарима сўраган.Лионель Месси ва унинг отасига нисбатан солиқ тўламаслик бўйича иш 2013 йилда очилган. Тергов футболчи Испания ғазнасига 4 млн евродан кўпроқ солиқ тўламаганини аниқлаган. Лионель бу маблағлардан фойдаланиш ёки уларни тақсимлаш борасида қарорларни қабул қилишда иштирок этмагани учун ундан барча айбловлар олинди. Аввалроқ футболчи умрида бирор сония вақтини ҳам шартномаларни ёки молиявий ҳужжатларни ўқишга ажратмаганини айтган.Лионель тергов билан ҳамкорлик қилиб, 10 млн евродан кўпроқ солиқ тўлаб берди. Лионель барча айбловлар батамом олиниши учун яна 15 млн евро тўлаб беришга тайёр эди, бироқ маҳаллий ҳокимиятнинг рад жавобини олди.