Mishel Platini Blatterdan norasmiy ravishda pul olganligiga iqror bo‘ldi

UEFA prezidenti Mishel Platini FIFA rahbari Yozef Blatterdan hech qanday rasmiy hujjatlarga imzo chekmay, ikki million Shveysariya franki (2 million dollar) olganligiga iqror bo‘ldi. Bu haqda Fransiyaning Le Monde nashriga tayanib, “Interfax” xabar bermoqda.Oldinroq Blatter Shveysariya prokurorlari qiziqib qolgan mazkur to‘lovlarga izoh berar ekan, pullarning berilishini “jentelmenlik kelishuvi” deb atagan. Platinining aytishicha, 1998-yili, FIFA prezidentligiga navbatdagi saylovlar arafasida Blatter unga maslahatchi bo‘lishni taklif qilgan. Platini bunga rozilik bergan va 1 million maosh talab qilgan.“U paytda yevro yo‘q edi, Blatter bu 1 million Shveysariya franki bo‘lishini aytdi”, deya ma’lum qildi Platini. U Blatterning aksariyat chet el safarlarida hamrohlik qilgani va “bu chindan ham ish bo‘lganini ko‘pchilik tasdiqlashi mumkinligi”ni aytgan.Eslatib o‘tamiz, 8-oktabr kuni xalqaro futbol federatsiyasi axloq qo‘mitasi Blatter, Platini va FIFA bosh kotibi Jerom Valkeni lavozimlari hamda futbolga oid barcha faoliyatdan 90 kun muddatga chetlatdi.
Категория: SPORT YANGILIKLARI
Просмотров: 744 \| Рейтинг: 0.0/0

Похожие материалы

запомнить
Забыл пароль \| Регистрация

Логин:
Пароль: