Мисрда транспорт ҳалокати 16 кишининг умрига зомин бўлди

Мисрда йўловчи ташувчи автобус ҳамда юк машинаси тўқнашиб кетди, бунинг оқибатида 16 киши ҳалок бўлди, беш киши жароҳат олди. Бу ҳақда ИТАР-ТАСС ахборот агентлиги хабар бермоқда. Ҳалокат душанба куни мамлакатнинг жанубий қисмидаги Асют шаҳри яқинида содир бўлди. Ёмғир ёғиши оқибатида трассанинг ҳавфли майдони қисмида автобус ҳайдовчиси транспорт воситаси бошқарувини йўқотган. Ноқулай об-ҳаво шароити яна бир йўл транспорт ҳалокатига сабаб бўлди. Якшанба куни кечаси Қоҳира-Хургада йўналиши бўйича ҳаракатланаётган автобус ҳам ҳалокатга учради, оқибатда эса 9 киши ҳалок бўлди, 30 киши жароҳатланди.