Москва метросида бир киши рельсларга тушиб кетиб ҳалок бўлди

Москва метрополитенининг “Калужская” бекатида бир эркак рельсларга тушиб кетди ва ўша ерда оламдан ўтди. Бу ҳақда РИА Новости агентлиги хабар бермоқда.

“Эркак “Калужская” бекатида рельсларга тушиб кетиб, ҳалок бўлди”, - деб баёнот берди фавқулодда хизматлар вакили.
Бунинг натижасида метро поездлари графикдан 28 дақиқага ортда қолган.