Оқ уй панжарасидан ошиб ўтган шахс қўлга олинди

АҚШ махсус хизматининг президент хавфсизлигига жавобгар ходимлари Оқ уй панжарасидан ошиб ўтган кишини қўлга ушлашди.

Воқеа маҳаллий вақт билан 16:00да содир бўлган. Махсус хизмат вакили Брайан Лир сўзларига кўра, жиноятчи Оқ уй панжарасидан ўтиши биланоқ қўлга олинган. Шундан сўнг саройга олиб борувчи барча йўллар ёпилган.  

Ҳозирда ҳуқуқни ҳимоя қилиш органлари қўлга олинганнинг шахсини ҳамда унинг ҳаракати мақсадларини аниқлашмоқда. Уни жамоат тартибини бузиш ва давлат раҳбари қароргоҳи ҳудудига ноқонунний киришда айблашлари мумкин.