Obid Asomov “oshi kinosidek mazali” ustoz kinoijodkor va “xudoyi film”ning rejissori haqida

Obid Asomov rejissor Rustam Sa’diyev bilan tushgan surati ostida shunday izoh qoldirgan “‘Muhabbat sinovlari’, ‘Kelgindi kuyov’, ‘Kelgindi kelin’, xullas, kelgindilar haqida kinolar olib, mashhur bo‘lib yurgan edi. Endi narkomafiyaga qo‘shilib, ‘Baron’ degan juda shov-shuvga sabab, dahshatli kino oldi”.

“O‘zbekning Stiven Spilbergi degan bo‘lardim, lekin Spilberg olgan kinolariga millionlab foyda ko‘rib, dollarga cho‘milib yotibdi. Rustam bechorani kinosi ekranga chiqamasidan bozorga chiqib ketdi O‘zbekchilik. Bechora zarar qilsa qildi, bir so‘m ham foyda qilmadi. Xullas, xudoyi film. Lekin Xudo bergan talant!”, — deya qo‘shimcha qildi Obid Asomov.

Obid Asomov 10-aprel kuni rejissor Shuhrat Abbosov bilan tushgan suratini Instagramda joylashtirilgan“O‘zbekning eng buyuk rejissorlaridan biri Shuhrat Abbosov 85 yoshini qarshilab shukronasiga osh berdi. ‘Mahallada duv-duv gap’ni ko‘rmagan o‘zbek bormikan dunyoda? ‘Sen yetim emassan’, ‘Olovli yo‘llar’, ‘Otamdan qolgan dalalar’, eh, qaysi birini aytay!”, — deb yozdi Obid Asomov.

“Nima kino olgan bo‘lsalar, hammasi shedevr! Hali ham ijoddan to‘xtaganlari yo‘q. Osh ham kinolariga o‘xshab mazali chiqibdi. Xullas, tekin oshni urvolib, qaytimiga rasmga ham tushib oldim. Umrlari bundan-da uzun bo‘lsin!”, — deya qo‘shimcha qildi Obid Asomov.