Олий ўқув юртлардан бири янги бинога эга бўлди

24 март куни Қарши давлат университетининг 1500 ўринга мўлжалланган янги ўқув биноси фойдаланишга топширилди.  

Янги бинода барча шарт-шароитлар яратилган бўлиб, унда ҳар бири 100 кишига мўлжалланган 4 та маъруза заллари, ўқув аудитория ва лабораториялари, кутубхона ва тиббий пункт мавжуд.
 
Бугунги кунда университетда 5500 дан ортиқ талаба 27 бакалабр йўналиши ва 11 магистр мутахассисликлари бўйича таълим олиб, 500 нафар ўқитувчилар фаолият юритмоқдалар.

Бу йил университетнинг 300 ўринга мўлжалланган ахборот-ресурс марказини қуриб битказиш ҳамда иккита талабалар уйини таъмирдан чиқариш режалаштирилган.