Олимлар кўз-ёшини ушлаб турмасликни тавсия этади

Миннесота ва Ланкастер университетлари олимлари ҳамкорликда олиб борган тадқиқот натижасида йиғлаш фойдали экани аниқланди. Унга кўра, йиғлаш аёллар организмининг устунликларидан бири бўлиб, у стрессларни енгилроқ ўтказиш имконини беради.

Олиб борилган тадқиқот йиғлагандан кейин одамларнинг 89 фоизи эмоционал енгилликни ҳис қилишини кўрсатди. Кўз-ёши билан бирга стрессни келтириб чиқарувчи моддалар ҳам чиқиб кетади. Йиғламайдиган одамларда эса бу бирикмалар организмда тўпланиб қолади ва вақт ўтиши билан юрак хуружи каби оғир оқибатларга олиб келиши мумкин.

Тадқиқотчиларнинг таъкидлашича, сўз фақат эмоционал кечинмалар билан боғлиқ кўз-ёшлари ҳақида бормоқда. Кўзнинг шиллиқ пардаси ачишганида ёки оғриқдан пайдо бўлган кўз-ёшларига бунинг ҳеч қандай алоқаси йўқ. Маълум бўлишича, одам ҳиссиётларга берилиб йиғлаганида чуқур нафас олар экан. Ушбу жараён организмдаги кортизол даражасини пасайтириш имконини беради. Кортизол эса стресс ривожланиши учун жавоб берувчи асосий гормон ҳисобланади. Бундан ташқари, одам йиғлар экан, бу билан ўзининг артериал қон босимини тартибга солади ва қон томирларини тозалайди.

Айнан шу боис кўз-ёшларини заифлик аломати деб ҳисоблайдиган эркаклар вақт ўтиши билан ушбу фикрнинг қурбонига айланади, чунки уларнинг организмида стресс гормонининг хавфли миқдори тўпланади ва бу юрак-қон томир касалликларининг ўткир шакли пайдо бўлишига олиб келади.

Айтиш жоизки, йиғининг фойдаси ҳам нисбий тушунча. Агар кўз-ёшларига ҳаддан ташқари эрк берилса, тери, айниқса, юз териси ўз рангини ўзгартиради ва сўлиб қолади. Шу боис шифокорлар ҳафтасига бир мартадан кўп йиғлашни тавсия этмайди.

Manba:darakchi.uz

Категория: SOG'LIK (SIXAT-SALOMATLIK)

Просмотров: 1536 | Рейтинг: 0.0/0

Похожие материалы

запомнить
Забыл пароль \| Регистрация

Логин:
Пароль: