Toshkentning “Paxtakor” futbol jamoasi jami chempionatlar doirasida o‘zining 2000-uchrashuvida maydonga tushdi. Bu haqda klub Matbuot xizmati xabar berdi.
Oliy liganing o‘tgan 18-turida Samarqandda “Dinamo”ga (0:0) qarshi maydonga tushgan “Paxtakor” uchun mazkur uchrashuv chempionatlar tarixidagi 2000-o‘yinga aylandi. “Paxtakor” sobiq ittifoq chempionatlarida 1242 ta uchrashuvda ishtirok etgan bo‘lsa, O‘zbekiston chempionatida 758 bellashuv o‘tkazgan.
Ushbu o‘yinlarda “Paxtakor” jamoasi 954 g‘alaba, 472 durang va 574 mag‘lubiyatni qayd etgan. Raqiblar darvozasi 3286 marta ishg‘ol qilingan, 2252 bor to‘p o‘tkazib yuborilgan.
Mazkur uchrashuvlarda eng ko‘p maydonga tushgan futbolchi Gennadiy Denisov bo‘lib, u 371 o‘yinda “Paxtakor” sharafini himoya qilgan. Birodar Abduraimov 358 va Sergey Bondarenko 329 uchrashuvda maydonga tushgan.
To‘purarlar borasida Gennadiy Krasniskiy (142), Igor Shkvirin (136) va Birodar Abduraimov (131)tadan gol bilan kuchli uchlikni tashkil qilishgan.
Akmalxon Eshonxonov
| 
Shahzoda ft. Shoxrux - Ket mp3
