Пентагон: Malaysia Airlines лайнери Андаман денгизига қулаган бўлиши мумкин

Радар экранларидан йўқ бўлиб қолган Malaysia Airlines лайнери Андаман денгизи ёки Бенгал кўрфазига қулаган бўлиши мумкин, дея маълум қилди Пентагон. Пентагон вакили Стивен Уоррен АҚШнинг Kidd флотининг эсминецлари Андаман денгизи ва Бенгал кўрфази томон йўл олгани ҳақида журналистларга маълум қилди. Шунингдек, Уоррен ҳозирда эсминецлар Малакка бўғозида эканлигини айтиб ўтди. New York Times газетасининг Малайзия армиясидаги манбаларига таяниб хабар қилишича, самолёт билан алоқа узилишидан аввал у ўз йўналишини ва учиш баландлигини бир неча бор ўзгартирган. Эслатиб ўтамиз, 8 март куни Малайзия авиакомпаниясига тегишли бўлган самолёт парвозга чиққанидан икки соат ўтиб, сирли тарзда ғойиб бўлган. Boeing бортида 14 мамлакатдан 239 киши бўлган. Лайнернинг қидирув ишларида Малайзия, Хитой, Сингапур, Вьетнам, Филиппин, Индонезия, Ҳиндистон ҳамда АҚШ кема ва самолётлари иштирок этмоқда.