Покистондаги сув тошқини оқибатида 1,7 миллион киши жабрланди

Айни пайтда 178 нафар киши ҳалок бўлган ва бедарак йўқолганлар рўйхатига киритилган. Асосан Панжоб, Синд ва Хайбер-Пахтунхва провинциялари ҳудудидаги жала ёмғирлари ва сув тошқинидан жами 5,6 мингта қишлоқ жабрланган. Сув оқимлари 20 мингдан зиёд уйни вайрон қилган. 

Сув тошқини оқибатида уй-жойидан ажралган одамлар учун ҳозир 350 та палаткали шаҳарча фаолият кўрсатмоқда. Айтиш жоизки, ҳар йили ёмғирлар мавсумида юзага келадиган табиий офат Покистон иқтисодиётига ва хўжалик инфратузилмасига жуда катта зарар етказади. Бу ерда сув тошқини натижасида ҳар йили юзлаб одамлар нобуд бўлади, ҳудуднинг катта қисмини сув босади. 

Хусусан, 2010 йили Покистонда юз берган энг катта миқёсли сув тошқинларидан бирида 1,8 мингдан ортиқ киши ҳалок бўлган, жабрланганларнинг умумий сони эса 21 миллион кишига етган. 

Manba: www.darakchi.uz