Rashid Holiqov oilasidagi malikalarni qanday siylaydi?

“HAR YIL SYuRPRIZ KUTAMIZ” O‘zbekistonda xizmat ko‘rsatgan artist Rashid Xoliqov bu bayramga alohida tayyorgarlik ko‘rishini doim ta’kidlaydi. Buning o‘ziga yarasha sabablari bor. Chunki oilaning kenjasi Azizaxon 8 mart Xotin-qizlar bayramini juda ham yaxshi ko‘rar ekan. Bugun xonandaning turmush o‘rtog‘i, 3 o‘g‘il va 1 qizning onasi Saida Xoliqova bilan suhbatlashib, xonanda oilasi malikalarini qanday syurprizlar bilan siylashini bilib olamiz. Bayram tungi 12 dan boshlanadi Bayram bizning uyda tungi soat o‘n ikkidan boshlanadi. Turmush o‘rtog‘im va o‘g‘illarim biz uxlagach, bilintirmay guldastalarni uyga olib kirib qo‘yishadi. Erta tongdan uyqudan uyg‘onishimiz bilan birinchi bo‘lib gullarga ko‘zimiz tushib, quvonamiz. “Bu gal nima sovg‘a qilisharkan?” — Turmush o‘rtog‘im va farzandlarim bayram bilan meni birinchi bo‘lib tabriklashadi. Hamma bayramlarda o‘zim istagan sovg‘alarni qabul qilganman. Lekin bu yil nima sovg‘a tayyorlashganini bilolmadim. Balki eng yaxshi ko‘rgan atirimni yoki kosmetik vositalar sovg‘a qilishar... Chunki aynan shu narsalar mening jonu dilim ekanini yaxshi bilishadi. Qizim Aziza bayramga oz qolganda nimalar istayotgani haqida sha’ma qilib qo‘yadi (kuladi). Misol uchun kuni kecha yangi telefon haqida gap boshlayotgan edi. Aslida u texnikani juda yaxshi ko‘radi. Yangi uyali aloqa vositalari haqida xabar topgani zahoti o‘shani o‘zida bo‘lishini istaydi. Shuning uchun menimcha bayramga qizimga yangi telefon sovg‘a qilishsa kerak, yana kim biladi... “Bayramda oshpaz bo‘lganlar...” 8 mart bayramida o‘z oilaviy an’anamiz bor. Hammamiz birgalikda biror restoranga boramiz. Ana shunday tadbirlarda vaqtni xushnud o‘tkazib, sovg‘a ulashishni yaxshi ko‘rishadi. Lekin bir marta hech qaerga bormaganmiz va Rashid aka o‘z qo‘llari bilan taom pishirib berganlar. Ammo tansiq taomdan keyin yig‘ishtirish ishlari baribir o‘zimga qolgan. Ular ishlaganda men tomosha qilib o‘tirolmayman-ku. Buni o‘zlari ham sezgach, tinchgina, ovoragarchiliklarsiz restoranga boradigan bo‘lganmiz.
Категория: SHOU-BIZNES habarlari \| Теги: Rashid Holiqov
Просмотров: 1992 \| Рейтинг: 0.0/0

Похожие материалы

запомнить
Забыл пароль \| Регистрация

Логин:
Пароль: