Рустам Саъдиев “Даракчи” ва Эркин Комиловни туҳмат қилишда айблади?

“Муҳаббат синовлари”, “Мен – бу мен”, “Келгинди келин”, “Сотқин” каби 20 га яқин фильмлар режиссёри Рустам Саъдиев интернетдаги инстаграм ижтимоий тармоғи орқали устози, Ўзбекистон санъат арбоби, таниқли режиссёр Шуҳрат Аббосовни йўқлаб, уйига борганини маълум қилди. “Устозим Шуҳрат Аббосов анчадан буён бетоб бўлиб ётибдилар. Бугун хабар олгани бориб, дуоларини олдик. Бу инсон – ўзбек миллатининг фахри, тирик афсона, миллий кино санъатимизда энг ўлмас асарлар муаллифи”, дейди Рустам Саъдиев ўзи ёзиб қолдирган изоҳда. Режиссёр Шуҳрат Аббосов ҳақидаги илиқ фикрларини давом эттирар экан, айни кунда Шуҳрат аканинг бетоблигини айтиб, интернет фойдаланувчиларидан соғайиб кетиши учун дуо қилишларини илтимос қилди. Рустам Саъдиевни доимий равишда кузатиб борадиган интернет фойдаланувчилари эса Ўзбекистон халқ артисти Эркин Комиловнинг “Даракчи” газетасига берган интервьюсидаги айрим қисмларини эслаб, Эркин Комиловни қаттиқ ранжитган экансиз, меҳнатларига яраша гонорар бериш ўрнига, “Сизни қайтиб фильмларимга таклиф қилмайман”, деб ўдағайлабсиз – дея Саъдиевни сўроққа тутишди. Режиссёр Рустам Саъдиев эса бу масалага батафсил тўхталмай, “бу туҳмат”, деб жавоб қайтарди. Қизиқ, режиссёр кимни туҳмат қилишда айблади экан, “Даракчи”ними ёки Эркин Комиловни? Шу ўринда, qalampir.uz сайти номидан ўзбек кино санъатига бетакрор фильмлари билан катта ҳисса қўшган режиссёр – Шуҳрат Аббосовга мустаҳкам соғлиқ ва узоқ умр тилаб қоламиз.
Категория: SHOU-BIZNES habarlari
Просмотров: 1403 \| Рейтинг: 0.0/0

Похожие материалы

запомнить
Забыл пароль \| Регистрация

Логин:
Пароль: