Шавкат Мирзиёев: Кейинги 5 йил ичида Ўзбекистонда 100та янги тўқимачилик корхонаси ишга туширилади

Сўнгги уч йил ичида Ўзбекистонда хорижлик ҳамкорлар иштирокида 100 дан ортиқ тўқимачилик корхоналари ишга туширилди. Ўзбекистон келажакда ушбу соҳадаги ишларни кенгайтиришни режалаштирмоқда.Бугун, 15 октябрь куни бошланган ўн биринчи халқаро Ўзбекистон пахта ва тўқимачилик ярмаркасида Ўзбекистон бош вазири Шавкат Мирзиёев кейинги 5 йил ичида Ўзбекистонда яна 100 дан ортиқ тўқимачилик ва енгил саноат қўшма корхонаси очилиши ҳақида айтиб ўтди.Ички бозоридаги тўқимачилик корхоналарининг эҳтиёжи ўсиб бораётганлигини ҳисобга олиб, яқин йилларда пахта толасини Ўзбекистонда қайта ишлаб чиқариш ҳажмини 65 фоизга етказиш режалаштирилган. Ҳозирги кунда пахта толасининг 35 фоизидан ортиғи республика ҳудудида қайта ишлаб чиқарилмоқда.Эслатиб ўтамиз, ўн биринчи халқаро Ўзбекистон пахта ва тўқимачилик ярмаркасида жорий йилги мавсумда Ўзбекистонда терилган пахтанинг 98 фоизи олий ва биринчи навга тегишли эканлиги таъкидлаб ўтилди.