Siz tinglayotgan musiqa kimligingizni “sotadi”. Ishonmaysizmi?

Edirburgsk universitetining ruhshunos professori Adrian Nort odamlar orasida musiqa borasidagi did bo‘yicha tadqiqot o‘tkazdi. 3 yil davomida u dunyoning 60 dan ortiq davlatlaridan 36.000 kishi o‘rtasida so‘rovnoma o‘tkazishga muvaffaq bo‘ldi. Ma’lum bo‘lishicha, odamlarni ular tinglaydigan musiqa janrlari orqali hayotda qanday inson ekani va ularning ruhiyati haqidagi ma’lumotlarni bilib olish mumkin ekan. Keling ruhshunos professori Adrian Nortning tadqiqoti o‘laroq so‘rovnoma natijalari bilan tanishamiz. Rok, og‘ir metall Avvaldan bu janrdagi musiqani tinglovchi insonlar haqida “ular yolg‘izlikni yaxshi ko‘rishadi, salbiy-melonxolik firklaydigan insonlardan bo‘lishadi” degan ma’lumot bor edi. Tadqiqotlar buning noto‘g‘ri ma’lumot ekanini ko‘rsatdi. Aslida bu insonlar ijodga mukkasidan ketgan insonlardir. Biroq bu janrni sevuvchilar orasida o‘ziga baho bera olmaslik, biror ishni amalga oshirishga shoshilmaydigan, boshqacha qilib aytganda, salgina dangasa odamlar ko‘p. Pop-musiqa Olimlar tomonidan bu janrni tinglovchi insonlar o‘ziga juda katta baho beruvchi, xushmuomala bo‘lishlarini aniqlashgan. Ammo ular ijodkor insonlar qatoriga kirishmaydi. Rep Rep muxlislari odamlar bilan tez chiqishuvchan, o‘ziga ishongan, mustaqil, turli kelishuvlarni o‘z o‘rnida olib bora oluvchi, o‘z nuqtayi nazarini himoya qila oluvchi insonlar sanaladi. Ma’lumotlarga ko‘ra, repning ixlosmandlari o‘zlariga juda katta baho berishadi, biroq ular orasida oliy ma’lumotli bo‘lmagan insonlar ko‘pchilikni tashkil qilar ekan. Klassik musiqa Klassika shaydolari ham o‘zlariga juda yuqori baho berishadi. Klassikaning haqiqiy shaydolari aynan shunday insonlardir. Ularning aksariyati katta maosh oluvchi yoki o‘zining katta foyda kelib turadigan biznesi, ishiga ega, madaniyatli insonlardir. Buni qarangki, ular orasida o‘zini klassikaning haqiqiy muxlisi qilib ko‘rsatadigan, ammo klassika borasida hech narsani tushunmaydiganlari ham bor ekan. Indi-musiqa Indi janrini sevuvchilarning aksariyati o‘zlariga beradigan bahosi u qadar yuqori bo‘lmaydi. Shuningdek ular orasida turli kuchli g‘oya egalari hamda sabrsiz, biroz ko‘pol shaxslar ko‘p uchraydi. Elektron musiqa Bu musiqa janri deyarli barchaga birdek yoqadi. Aksariyat hollarda tungi klublar va dam olish joylarida yangraydigan elektron musiqa janri odamlar bilan suhbatlashishni yaxshi ko‘ruvchi, yangi g‘oyalarga boy, kayfiyati birdaniga o‘zgarib qolmaydigan, xarakter jihatidan ancha o‘zini bosib olgan insonlar sanalishadi. Aytgandek, bu musiqa asosan kompyuter dasturlovchilarining sevimli musiqa janrlari hisoblanadi. Reggi Bu musiqa janri ixlosmandlari dangasa, beg‘am, ammo shu holatda ham o‘zlarini juda baxtli his etuvchi insonlar sanalishlari borasidagi ma’lumotlar avvaldan bor. Tadqiqotlar va so‘rovnoma natijalari avvalgi ma’lumotlarni to‘la tasdiqlaydi. Yengil xarakter, xushmuomala, mehribon, mehnat qilishni, ishlashni yoqtirmaydigan, boshqacha qilib aytganda “suv kelsa to‘pig‘iga chiqarmaydigan” insonlar aynan mana shu janrdagi musiqani tinglashadi. Jaz, blyuz va soul Ayni janrni tinglovchilar boshqalardan ajralib turuvchi, noodatiy g‘oyalarga, o‘zining mustahkam fikriga ega, odamlar bilan muloqot qilini xush ko‘ruvchi, o‘ziga ishongan insonlardir. Olimlar tomonidan aynan mana shu janrni tinglovchi odamlar orasida yuqori IQ’ga ega bo‘lgan insonlar borligini qayd etishgan. Umida Yakubova
Категория: SHOU-BIZNES habarlari \| Теги: musiqa
Просмотров: 1909 \| Рейтинг: 0.0/0

Похожие материалы

запомнить
Забыл пароль \| Регистрация

Логин:
Пароль: