“Смартфонга қарамлик” янги касаллик тури аниқланди

"Ҳозир бизга ўз мобил телефонларига боғланиб қолган катта одамлар мурожаат қиляпти. Улар кун бўйи турли сайтларда ўтирар экан”, - дейди "Колморден” реабилитация марказининг директори Рогер Тёрн.

Унинг сўзларига кўра, марказга мурожаат қилаётган кишилар "мобил телефонга қаттиқ боғланиб қолиш” ишга ҳам, кундалик ҳаётга ҳам таъсир этаётганидан шикоят қилмоқда. 

Мутахассисларнинг фикрича, янги муаммонинг асосий таркибий қисмларидан бири – бу доимий тарзда онлайнда туриш кераклиги ҳиссидир. Ҳозир "мобил қарамлик”ни даволаш усули йўқ. "Колморден” ходимлари бу хасталикка йўлиққан одамларга ёрдам беряпти, аммо смартфоннинг инсон руҳиятига таъсири улар учун янги ва ўрганилмаган ҳодиса бўлиб, улар ҳозирча фақат махсус даволаш усулларини яратиш устида ишламоқда, холос. Бу борада биринчи ва энг оддий қадам – муайян вақтга мобил алоқадан воз кечишдир. Марказда беморларга мобил телефонлардан фойдаланиш тақиқланган, улар фақат оддий телефонлардан фойдаланиши мумкин.