Германиянинг «Бавария» клуби бош мураббийи Хосеп Гвардиола Лондоннинг «Челси» жамоаси бош мураббийи Жозе Моуриньо истеъфога чиққан тақдирда унинг ўрнини эгаллаши мумкин. Бу ҳақда The Telegraph нашри хабар таркатди.Манбанинг ёзишича, мустақил фаолият кўрсатувчи ўртакашлар «Челси»нинг Гвардиолага қизиқишини ҳисобга олиб у билан бу борада музокаралар олиб боришга ҳаракат қилмоқда. Моуриньо истеъфога чиқарилган тақдирда музокаралар ташкил этилади.Қайд қилинишича, «Челси» президенти Роман Абрамович мустақил ўртакашларга ҳеч қандай кўрсатма бермаган. Ҳозирча лондонликлар раҳбарияти Моуриньонинг жамоадаги инқирозни бартараф этишига ишонмоқда.Маълумот учун, Абрамович 2013 йилда Гвардиолани жамоага олиб келишга ҳаракат қилган, бироқ испаниялик мутахассис ўшанда «Бавария»нинг 2016 йил ёзида ниҳоясига етадиган шартномасини маъқул кўрганди.Эслатиб ўтамиз, олдинроқ Гвардиола АПЛда ишлашни хоҳлаётгани ва бу Лондон жамоаси бўлиши кераклиги ҳақида хабарлар тарқалганди.
| 
Shahzoda ft. Shoxrux - Ket mp3
