Tinimsiz yoqqan yomg‘ir Toshkent avtomobil yo‘llarini ko‘lmaklarga aylantirdi (foto)

Toshkent shahrida asosan 17-oktabrda kun davomida kuzatilgan yog‘ingarchilik oqibatida markaziy chorrahalar suv ostida qoldi. Bu holatni tasdiqlovchi suratlar Facebook’dagi “Voditeli Tashkenta” guruhida e’lon qilingan.Foydalanuvchilardan biri shaharning Shota Rustaveli ko‘chasidagi vaziyatni bir necha suratlarda aks ettirishga harakat qilgan. “Voditeli Tashkenta” a’zosi taqdim etgan suratlar asosan Muqimiy va Rustaveli ko‘chalari kesishmasidagi aylana atrofida olingan.Fotosuratlarda aylana atrofi to‘liq suv ostida qolgani, avtomobillar “suzib yurgani”, ariqlar ko‘rinmay ketgani, shahar obodonlashtirish boshqarmasi xodimlari vaziyatni tartibga solishga urinayotganini ko‘rish mumkin. “Butun Shota Rustaveli ko‘chasi shu ahvolda. Irrigatsiya/drenaj tizimi amalda ishlayotgani yo‘q. Mabodo jala quyib qolsa nima bo‘ladi?”, — deydi foydalanuvchi. Markaziy ko‘chalar, chorrahalarning suv ostida qolishi holatlari boshqa joylarda ham yuz bergan.“Voditeli Tashkenta” guruhida e’lon qilingan e’tiborga molik suratlardan biri Mirzo Ulug‘bek va Parkent ko‘chalari kesishmasida olingan. Surat ostidagi izohlarda aksariyat foydalanuvchilar piyodalar yo‘ldan qanday o‘tayotganiga qiziqqan. Yomg‘ir — Toshkent uchun tabiiy ofat”, — deb foydalanuvchilardan biri alam aralash fikr bildirgan bo‘lsa, “Ayyom” vokal-cholg‘u ansamblining Facebook’dagi sahifasi vaziyatga yumor hissi bilan yondashib, aktyor Murod Rajabovning “Tangalik bolalar” filmidagi qo‘shig‘idan iqtibos keltirgan “Baliq bo‘lib suzgum bor!”.
Категория: MAXALLIY YANGILIKLAR
Просмотров: 1778 \| Рейтинг: 0.0/0

Похожие материалы

запомнить
Забыл пароль \| Регистрация

Логин:
Пароль: