Тошкентдаги пойгачи автобуслар ҳақида зудлик билан милицияга хабар бериш тавсия қилинди

Тошкентлик автобус ҳайдовчилари томонидан оралиқ бекатларда узоқ муддат тўхтаб туриш, йўл ҳаракати қоидаларини қўпол тарзда бузган ҳолда бир-бири билан пойга ўйнаш, ҳаракат давомида қўл телефонидан, сигарет чекиш каби қоидабузарликлар бот-бот содир этилмоқда. Бу ҳақда «Пойтахт транспорти» газетаси хабар бермоқда. Мазкур масала бўйича фикр билдирган Тошкент шаҳар ИИББ ЙҲХБ тарғибот-ташвиқот бўлими бошлиғи, подполковник З. А. Сайдалиевнинг сўзларига кўра, ИИББнинг 102 телефон рақамига хавфсизликка оид ҳодисалар тўғрисида зудлик билан хабар бериш, хавфсизликни таъминлашда барча фаол иштирок этиши керак. Сайдалиевнинг қайд этишича, 2014 йилда Тошкент шаҳри чорраҳаларига назорат видео-камераларини ўрнатиш ишлари бошланган ва 2015 йил апрелига қадар бу ишлат тугалланиши режалаштирилган.