Bizni sevganni sevdik,
Sevmaganni kechirdik.
Qalbimizdan adovat,
Ham hasadni o'chirdik.
G'amimiz iymon bo'ldi,
Yo'limiz QURON bo'ldi.
Dushman bilib shaytonni,
Do'st deb bildik RAHMONni.
Birodarim, ishonchim,
Qadrdonim,quvonchim.
Sizga sog'inchim bo'lak,
HAYIT ayyomi muborak!

Tortiq bo'lsin sizga duo salomlar,
Duoga eng go'zal shirin kalomlar.
Iloho uyingiz nurlarga to'lsin,
Qurbon hayit ayyomingiz muborak bo'lsin!

Dunyoda bayramlar to'lib yotibdi,
Ularning asli cho'pchak yo ertak.
Bugun hatto quyosh go'zal otibdi.
Hayit bayramingiz bo'lsin muborak!
Gullar bilan to'lib toshganda saxro,
Cho'lda gullagan eng go'zal chechak
Iymon lazzatidan olingiz bahra,
Hayit bayramingiz bo'lsin muborak!
Shafaqning qo'yniga yashiringan oq,
Go'zal tong otdi deb bergandek darak.
Buyuk e'tiqodni ramzi o'laroq,
Hayit bayramingiz bo'lsin muborak!
Dunyoda muhabbatin o'ziga jo aylagan
Oyning yuzin yopar ehtimol etak,
Rasululloh sevib bayram aylagan,
Hayit bayramingiz bo'lsin muborak!
Kufru, shirk, ma'siyat, bo'xtonu g'iybat
Islomsiz yo'lkaga sochganda pechak
Mo'min birodarim tilagim faqat
Hayit bayramingiz bo'lsin muborak!