Британиялик снайпер бир дона ўқ билан 6 нафар толибонни ўлдирди

Афғонистонда британиялик снайпер бир ўқ билан 6 нафар толибонни йўқ қилди. Бу воқеа ўтган йилнинг феврал ойида содир бўлган, аммо барчага энди маълум қилинмоқда, дея хабар беради The Telegraph нашри.  

20 ёшли Буюк Британия ҳарбий кучлари Колдстрим гвардиячилар полки кичик капрали отган ўқи террорчининг портловчи қурилмасини ишга туширувчи механизмига бориб теккан. Оқибатда бомба портлаган ва унинг яқинида бўлган 6 нафар толибон ҳалок бўлган. 

Шунингдек нашрининг ёзишича, исми ошкор этилмаган бу снайпер 1,3 минг метр узоқликдан толибонларнинг пулемётчисини ҳам ўлдирган.