Энди "Ucell" тармоғига уланиш пуллик бўлади

Ўзбекистон мобил алоқа бозорида "Ucell" савдо белгиси остида фаолият юритиб келаётган МЧЖ "Cоscом" ХК томонидан тармоққа уланаётган янги абонентлар учун шу йилнинг 15 октябридан бошлаб янги талаблар киритилади.

Эндиликда тармоққа уланаётган янги абонентлар учун ягона тартиб амалга киритилади, яъни тармоққа уланишнинг мажбурий шарти сифатида 2000 сўм миқдоридаги тўловни амалга ошириш талаб этилади.

Шу билан бир қаторда, тармоққа уланиш жараёнида Компаниянинг дилерлик шоҳобчаларида янги абонент учун 3 турдаги, яъни 5000 сўмлик, 3500 сўмлик ва 2000 сўмлик бошланғич тўпламлар тақдим этилади. Бошланғич тўпламлар СИМ-карта, абонент рақами ва Компания билан тузилган шартномани ўз ичига олади ҳамда рақам ҳисобида Компания хизматларидан фойдаланиш учун мос равишда 3000 сўм, 1500 сўм ва 0 сўмга тенг миқдорлар тақдим этилади.

Ушбу янги тартиб мажбурий чора бўлиб, компания томонидан доимий равишда харид қилиб олинаётган янги СИМ-карталар ва янги абонентларни тармоққа улашга доир бошқа сарф-харажатларни қоплашга имкон беради.