Ucell баъзи хизмат нархларини оширди

Ucell мобил алоқа оператори 15 апрелдан бошлаб Prepaid тизимидаги тариф нархларга ўзгаришлар киритилганини маълум қилди.
 
Унга кўра, "Оддий" тарифидаги абонентлар учун Ўзбекистон бўйича чиқувчи СМС, шунингдек тармоқ ичидаги чиқиш қўнғироғи дақиқасига ҳозирги $0.01 ўрнига $0.02 дан нархланади.
 
"Осон ҳисоб" тарифида Ўзбекистон бўйича барча чиқувчи қўнғироқларнинг дақиқаси ҳозирги $0.02 ўрнига $0.025 этиб белгиланади.
 
"ГАП" тарифи абонентлари тармоқ ичида чиқиш қўнғироқларининг 2чи ва ундан кейинги дақиқалари учун $0.01 ўрнига $0.02 тўлайдилар.