Рамзон Қодиров Россия мусулмонларининг энг олий мукофоти билан тақдирланди

Чеченистон президенти Рамзон Қодиров Россия мусулмонларининг энг олий мукофоти – “Хизматлари учун” ордени билан тақдирланди, деб хабар берилдиЧеченистон ҳукумати сайтида. “Миллатлараро тинчлик ва тотувликни мустаҳкамлаш йўлидаги хизматлари ҳамда Томск мусулмонларининг тарихий қадамжоси бўлган Томск шаҳри жомеъ масжидини қайта тиклаш ва реставрация ишларига қўшган улкан ҳиссаси учун Чеченистон президенти Рамзон Қодиров Россия мусулмонларининг олий мукофоти – “Хизматлари учун” ордени билан тақдирлансин. Аллоҳ Рамзон Аҳмадовичнинг мусулмонлар, юртимиз, бу дунёдаги барқарорлик ва тинчлик йўлидаги қилаётган барча ишларини хайрли қилсин”, – деб айтди Россиянинг Осиё қисмидаги мусулмонлар диний бошқармаси раиси Нафигуллоҳ Аширов Томскда Қизил масжиднинг тантанали очилиш маросимида. Россия Давлат Думаси депутати Адам Делимханов ҳам “Ал-Фахр” фахрий ордени билан тақдирланди. Томскда Қизил масжиднинг тантанали очилиш маросимида Чеченистон парламенти раиси Дукуваха Абдураҳмонов, Томск вилояти губернатори Сергей Жвачкин, Чеченистон муфтийси Салоҳ Мажиев ҳамда Россиянинг Осиё қисми олий муфтийси Нафигуллоҳ Аширов иштирок этди.
Категория: DUYNO XABARLARI \| Теги: Рамзон Қодиров, россия
Просмотров: 1383 \| Рейтинг: 0.0/0