Францияда ИШИДнинг мухлислари ўқитувчига пичоқ билан ҳужум қилди

Франциянинг Марсель шаҳридаги яҳудийлар мактаби ўқитувчиси ИШИДга хайрихоҳ ёшлар ҳужумига учради. Марсель прокурорининг айтишича, 3 нафар йигит "ўз ўлжаси"ни кўчада таъқиб қилишган. Уларнинг бири кийган футболкада ИШИД рамзи туширилган. Ҳужум қилувчилардан бири телефонидаги Муҳаммед Мерининг суратини (бу жангари 2012 йилда Францияда серияли қотилликлар амалга ошириб, 7 кишини ўлдирган) кўрсатган. Прокурорнинг қайд этишича, бу шахслар ўқитувчини қўрқитишган ва уни ўлдириш билан таҳдид қилишган. Шундан сўнг улардан бири жабрланувчининг қўли ва оёғига пичоқ билан зарба берган. Шу вақтда кўчада автомобил пайдо бўлгач, улар жиноят жойидан қочиб кетишган. Ҳужумга учраган ўқитувчи айни вақтда шифохонада ва унинг ҳаёти сақлаб қолинган. Маълумот учун, Муҳаммад Мери 2012 йилда Тулуза шаҳридаги яҳудийлар мактабига бостириб кириб, 2 ўқувчини ва бир қанча раввинларни, жами 7 кишини ўлдирганди. У қочишга уринган вақтда мерган томонидан отиб ташланган.
Категория: DUYNO XABARLARI \| Теги: Франция, ўқитувчи, ИШИД, ҳужум қилди, Билан, пичоқ, мухлислар
Просмотров: 1209 \| Рейтинг: 0.0/0