«Бунёдкор» кейинги босқичга йўл олди

Кеча Осиё Чемпионлар лигаси гуруҳ босқичининг  сўнгги тур учрашувлари бўлиб ўтди.

Тошкентнинг  “Бунёдкор” жамоаси сафарда Қатарнинг “Ал Жаиш” жамоасига қарши майдонга тушди. Қатарда “Ал-Жаиш” устидан қозонилган ғалаба “Бунёдкор”ни плей-оффга олиб чиқди.

Учрашувнинг 13-дақиқасида Сергей Симоненко томонидан киритилган гол “қалдирғочлар”ни олдинга олиб чиқди. Лекин 53-дақиқада Мунтари ўртадаги мувозанатни тиклади. Ҳакам томонидан иккинчи бўлимга қўшиб берилган тўртинчи дақиқада Сардор Рашидовнинг аниқ зарбаси “Бунёдкор” ғалабасини таъминлади.